Genese 19:16 - Sesotho 1909/1961 (SO)

A re a sa dikadika, banna bao ba mo tshwara ka letsoho, ba tshwara le letsoho la mosadi wa hae, le matsoho a baradi ba hae ba babedi, ka baka la mohau wa Jehova ho yena, mme ba mo ntsha, ba mo tlohela kantle ho motse.

BIBELE

Empa a dikadika; kahoo banna bao ba mo hula ka letsoho, mmoho le mosadi wa hae le baradi ba hae ba babedi, hobane Morena o ne a mo hauhetse. Ba mo ntshetsa kantle ho motse.

Genese 19:16 Referencias Cruzadas

Genese 19:15

Eitse ha meso e hlaha, mangeloi a akofisa Lota, a re: Tsoha, o nke mosadi wa hao, le baradi ba hao ba babedi ba leng mona, esere mohlomong wa timela tshenyehong ya motse ona.

Genese 43:10

hobane hojane ha re a dieha, re ka be re se re boile makgetlo a mabedi jwale.

1 Dikronike 16:34

Rorisang Jehova, hobane o molemo, hobane mohau wa hae o hlola ka ho sa feleng.

Dipesaleme 103:13

Jwalokaha ntata motho a hauhela bana ba hae, Jehova o hauhela jwalo ba mo tshabang.

Dipesaleme 106:1

Bokang Jehova! Rorisang Jehova, hobane o molemo; hobane mohau wa hae ke o sa feleng!

Dipesaleme 106:8

Leha ho le jwalo, o ba bolokile ka baka la lebitso la hae, a tle a bonahatse matla a hae.

Dipesaleme 107:1

Rorisang Jehova, hobane o molemo, hobane mohau wa hae ke o sa feleng.

Dipesaleme 111:4

O etseditse mehlolo ya hae kgopotso.

Dipesaleme 118:1

Rokang Jehova, hobane o molemo, etswe mohau wa hae o hlola ka ho sa feleng.

Dipesaleme 119:60

Ke a phakisa, ha ke diehe ho boloka ditaelo tsa hao.

Dipesaleme 136:1

Rorisang Jehova, hobane o molemo: Efela mohau wa hae ke o sa feleng.

Dipesaleme 32:10

Mahlomola a mangata a lebeletse ya kgopo; empa ya itshepelang Jehova o teelwa hare ke mohau wa hae.

Dipesaleme 33:18

Bonang, mahlo a Jehova a hodima ba mo tshabang, ba tshepang mohau wa hae,

Dipesaleme 33:19

ho holla meya ya bona lefung le ho ba phedisa mehleng ya tlala.

Dipesaleme 34:12

Leha o ka ba mang ya ratang ho phela, ya lakatsang dilemo ho ja lehlohonolo,

Dipesaleme 86:15

Empa wena, Morena, o Modimo o lereko, o molemo, o diehang ho halefa, o tletseng mohau le nnete.

Dipesaleme 86:5

Hobane wena, Morena, o molemo, o mosa, o tletse lereko hobohle ba o rapelang.

Eksoda 34:6

Jehova a feta pela hae, a re: Ke nna Jehova, Jehova, Modimo o mohau, o lereko, o diehang ho halefa, o tletseng mohau le nnete,

Eksoda 34:7

o hauhelang meloko e dikete, o tshwarelang motho bokgopo le boikgantsho le sebe, o sa latoleng molato wa motho ya nang le wona, o otlang bana le ditloholo ho isa lelokong la boraro le la bone ka baka la bokgopo ba bontata bona.

Isaia 63:9

Ditsietsing tsohle tsa bona a ba tsietsing le bona, lengeloi la sefahleho sa hae la ba pholosa; o ba lopolotse ka lerato le ka mohau wa hae, a ba tiisa, a ba jara mehleng yohle ya boholoholo.

KOLI-YA-MALLA 3:22

Ke mehauhelo ya Jehova e entseng hore re se ke ra timela, hobane mohau wa hae ha o fele;

Numere 14:18

empa ha a re, ya molato o hloka molato; o otla bana ho isa lelokong la boraro le la bone ka baka la bokgopo jwa batswadi ba bona.

Luka 18:13

Molekgetho yena a ema hole, a tshaba le ho lelaletsa mahlo a hae lehodimong, a mpa a iteta sefuba, a re: Modimo, nkgauhele, nna ke leng moetsadibe.

Johanne 6:44

Ha ho motho ya ka tlang ho nna, ha a sa hulwe ke Ntate ya nthomileng; mme nna, ke tla mo tsosa ka letsatsi la bofelo.

Baroma 9:18

Ha ho le jwalo, o hauhela eo o ratang ho mo hauhela, mme o thatafatsa eo o ratang ho mo thatafatsa.

2 Bakorinthe 1:3

Ho bokwe Modimo, e leng Ntata Morena wa rona Jesu Kreste, Ntata mehauhelo, Modimo wa matshediso wohle,

Deuteronoma 4:31

Hobane Jehova, Modimo wa hao, ke Modimo o mohau; a ke ke a o tlohela, a ke ke a o timetsa, mme a ke ke a lebala selekane sa bontatao, seo a ba hlapanyeditseng sona.

Deuteronoma 5:15

O hopole hobane o bile mofo fatsheng la Egepeta, le hobane Jehova, Modimo wa hao, o o ntshitse teng ka letsoho le matla, le ka letsoho le otlolohileng; ke ka baka leo, Jehova, Modimo wa hao, a o laetseng ho boloka letsatsi la phomolo.

Deuteronoma 6:21

O tle o bolelle mora wa hao, o re: Re ne re le bafo ba Faro Egepeta, mme Jehova o re ntshitse Egepeta, ka letsoho le matla;

Deuteronoma 7:8

Empa kahobane Jehova a le ratile, mme a bolokile kano eo a e anetseng bontata lona, Jehova o le ntshitse Egepeta, ka letsoho le matla, mme o le lopolotse tlung ya bohlanka, le letsohong la Faro, Morena wa Egepeta.

Tite 3:5

e seng ka mesebetsi e lokileng e entsweng ke rona, empa e bile ka lereko la wona, ka hlatsuo ya ho tswalwa la bobedi, le ka ntjhafatso ya Moya o Halalelang,

Joshua 6:22

Joshua a bolella banna ba babedi ba neng ba ile ho hlwela lefatshe, a re: Kenang tlung ya mosadi eo wa sehlola, le ntshe teng mosadi eo, le tsohle tsa hae, jwalokaha le mo anetse.

2 Petrose 2:7

mme ha o pholositse Lota, monna ya lokileng, ya neng a hlora hampe ka baka la ketso tse dihlong tsa batho bao ba manyala —

2 Petrose 2:9

ke moo ho bonahalang hobane Morena o tseba ho lwela barapedi molekong, le ho bolokela bakgopo hlokofatso ya letsatsi la kahlolo;