Eksoda 23:8 - Sesotho 1909/1961 (SO)

O se ke wa amohela mpho; etswe mpho e foufatsa ba bontshisang, mme e kgopamisa dipuo tsa ba lokileng.

BIBELE

“O se ke wa amohela tjotjo, hobane tjotjo e a foufatsa, mme e sotha dipolelo tsa ya lokileng.

Eksoda 23:8 Referencias Cruzadas

Dipesaleme 15:5

ha a adime tjhelete ya hae ka phahello, ha a amohele mpho ho tswa ya se nang molato. Ya etsang jwalo, a ke ke a sisinyeha le ka ho sa yeng kae.

Dipesaleme 26:10

ba tshwereng polao matsohong a bona, mme seatla sa bona se setona se tletse dineo tsa qeko!

Diproverbia 15:27

Ya ineelang leruo le sa lokang o sotofatsa ntlo ya hae; haele ya hloileng dimpho tse hokang, o tla phela.

Diproverbia 17:23

E mobe o amohela mpho e patilweng dikobong, ho sokamisa tsela ya ho loka.

Diproverbia 17:8

Mpho ke lehakwe la bohlokwa ho ya e newang; hohle moo e kenang, e a hlola.

Diproverbia 19:4

Ho rua ho hlahisa metswalle e mengata; empa mofutsana o ye a lahlwe le ke wa habo.

Moeklesia 7:7

Kannete, hloriso e ye e hlantshe ya hlalefileng; mme mpho e lahlise motho kelello.

Isaia 1:13

Le se ke la hlola le ntlisetsa mahlabelo a lefeela; dibano tsa lona ke manyala ho nna, le mekete ya dikgwedi tse thwasang, le ya Disabatha, le ya dipitso tsa ho phutheha; diphutheho tsa lona tse mahlonoko tse hlokang borapedi di a nkgathatsa.

Isaia 1:23

Marena a hao a ikganetse, a ikentse balekane ba mashodu; e mong le e mong o rata ho nyehellwa, ba mathela meputso; ha ba sa ahlolela dikgutsana, nyewe ya mohlolohadi ha e fihle pela bona.

Isaia 33:15

E tla ba ya tsamayang tseleng ya ho loka, ya bolelang ka ho loka, ya nyatsang maruo a nkilweng ka matla, ya hlohlorang letsoho la hae le tle le se ke la amohela dineo, ya ithibang ditsebe hore a se ke a utlwa merero ya ho bolaya, ya tutubalang mahlo hore a se ke a bona bobe.

Isaia 5:22

Ho madimabe ba matla ho nwa veine, ba dinatla ho lomosa jwala;

Isaia 5:23

ba lokollang motho ya molato ka baka la moputso, ba amohang ya lokileng ho loka ha hae!

Ezekiele 22:12

Ha hao, ho amohelwa dimpho hore ho tle ho tshollwe madi; o nka phahello le katiso, o ntshisa ya heno tjhelete ka ho mo tuba, o ntse o ntebala, ho bolela Morena Jehova.

Hosea 4:18

Seno sa bona se nyokotse; ba feba le ho feba; bao e leng thebe tsa bona kannete ba ithatetse tse dihlong.

Amose 5:12

Hobane ke tseba hoba ditlolo tsa lona di ngata, le hoba dibe tsa lona di atile haholo; le hlorisa ya lokileng, le nka tefo, mme bafumanehi ha le ba ahlolele kgotla.

Mikea 7:3

Ba kena ka matsoho a mabedi bobeng, hore ba bo phethe: morena o a qela, moahlodi o ahlolela moputso, e moholo yena o bolela takatso e mpe ya moya wa hae; hammoho ba sothanya ditaba.

Deuteronoma 10:17

Hobane, Jehova, Modimo wa lona, ke Modimo wa medimo, le Morena wa marena, Modimo o moholo, o matla, o tshabehang, o sa tadimeng tshobotsi ya motho, o sa amoheleng dimpho,

Deuteronoma 16:19

O se ke wa fapoha ho loka, mme o se ke wa ya ka tshobotsi ya batho; o se ke wa amohela dimpho; hobane mpho e foufatsa mahlo a ba bohlale, mme e kgopamisa dipolelo tsa ba lokileng.

1 Samuele 12:3

Mponeng, ke nna enwa; le mpakele pontsheng ya Jehova le pontsheng ya motlotsuwa wa hae: na ke nkile kgomo ya mang? kapa ke nkile esele ya mang? ke jele ntho ya mang? kapa ke tshwentse mang? kapa ke matsohong a mang ke amohetseng moputso hore ke foufatse mahlo a ka ka wona? Mpolelleng hle ke tle ke le kgutlisetsa ntho tseo.

1 Samuele 8:3

Bara ba hae ba mpa ba se ke ba tsamaya ka mehlala ya hae; ba kgelohela leruong le sa lokang, ba amohela dimpho, ba kgelosa le kahlolo.