1 Samuele 27:10 - Sesotho 1909/1961 (SO)

Akishe a botsa, a re: Le be le futuhetse kae kajeno? Davida a re: Re tswa futihela nqa borwa ho Juda, le nqa borwa ho Bajerahemeele, le nqa borwa ho Bakene.

BIBELE

Ha Akishe a botsa Davida, a re: “O ne o hlasetse kae kajeno?” Davida o ne a ye a re: “Ka borwa ho naha ya Juda,” kapa a re: “Ka borwa ho naha ya Jerahemeele” kapa a re: “Ka borwa ho naha ya Bakene.”

1 Samuele 27:10 Referencias Cruzadas

Genese 27:24

a re: A o fela o le mora wa ka Esau na? A re: Ke yena.

2 Samuele 17:20

Bahlanka ba Absalome ba fihla ha mosadi eo, ba re: Ba kae boAkimaatse le Jonathane? Mosadi a re ho bona: Ba tshetse molatswana. Ba batla, ba se ke ba fumana letho, ba ba ba kgutlela Jerusalema.

1 Dikronike 2:25

Bara ba Jerameele, letsibolo la Hetsrone, letsibolo la hae ke Rame; ba bang ke Buna, Orene, Otseme, le Akija.

1 Dikronike 2:9

Haele bara ba Hetsrone, bao a ba tswaletsweng, ke Jerameele, Rame le Kelubai.

Dipesaleme 119:163

Ke hloile, ke nyonya leshano; empa ke rata molao wa hao.

Dipesaleme 119:29

O ntshesefise tsela ya leshano, o mphe ho tseba molao wa hao!

Diproverbia 29:25

Ho tshaba batho ho isa sefing; empa ya tshepang Jehova o beilwe phahameng.

Numere 24:21

Balaame a bona le Bakene, a porofeta, a re: Moaho wa hao o thata, mme sehlaha sa hao o se beile lefikeng.

Baefese 4:25

Ka baka leo, le ke le tele leshano, mme e mong le e mong a bolele nnete ho wa habo; hobane re ditho ba bang tsa ba bang.

Baahlodi 1:16

Haele bana ba Mokene, mohwehadi wa Moshe, ba ne ba tlohile motseng wa Dipalema, ba nyolohetse le bana ba Juda feelleng la Juda, le leng ka nqa borwa ho Arade; mme ba tla, ba aha le batho ba teng.

Baahlodi 4:11

Haele Hebere, Mokene, o ne a kgaohane le Bakene ba bang, bana ba Hobabe, mohwehadi wa Moshe, mme o ne a ile, a hlomile tente ya hae pela sefate sa eike se Tsaannaime, haufi le Kedeshe.

Baahlodi 5:24

Ho ke ho roriswe hara basadi Jaele, mosadi wa Hebere Mokene! A ke a roriswe hara basadi ba ahileng ditenteng!

1 Samuele 15:6

Saule a re ho Bakene: Tsamayang, le tlohe, le tswe hara Baamaleke, esere mohlomong ka le timetsa hammoho le bona, athe le ne le etse bana bohle ba Iseraele ka mohau, mohla ba tswang Egepeta. Kahoo, Bakene ba tloha ho Baamaleke.

1 Samuele 21:2

Davida a re ho moprista Akimeleke: Morena o ntaetse taba, a re ho nna: Ho se ke ha tseba motho taba eo ke o romang yona, le seo ke o laetseng sona. Ke kahoo ke laetseng bahlankana ba ka baka se itseng.

1 Samuele 23:27

Ha mpa ha fihla lenqosa ho Saule, la re; Phakisa o tle, hobane Bafilesta ba futuhetse naha.

1 Samuele 27:11

Davida o ne a sa lese monna leha e le mosadi a phela, le ho ba tlisa Gathe, a re: Ba se ke ba ya bua ka rona, ba re: Re entswe jwalo ke Davida. Ya eba wona mokgwa wa hae wa tshiu tsohle tseo a di dutseng naheng ya Bafilesta.

1 Samuele 29:8

Davida a re ho Akishe: Ke entseng, mme o fumaneng ho mohlanka wa hao, haesale ke le pela hao, ho fihlela la kajeno, ha ke sa lokele ho ya lwantsha dira tsa morena, monga ka na?

1 Samuele 30:29

le ho ba Rakale, le ho ba metseng ya Bajerahemeele, ho ba metseng ya Bakene;