Luke 9:44 - Muklom “Nga nim ma chamta batma ang phang ri nak lakchak inn! Miqna Sa tha miqtang jaknáng kotchak ma ta.” ASII LAKDAP Bible (BSI) “Ara ümchaü ngi raq namshiq ma jamlai bom wa chongkuq tiikang arka, namshiq raq tsan na tiitsang dada lanta, shaq ronglaq! Maiq Se ka ümchaü maiqjaq khon mong niishe mikuq baiq,” nguta chongkuqto. Hawa Naga Bible 2001 “Ngaz rueq nuimshiq jungx phaungx kvjaz kuex nauk lauk gay kaz! Miq Saz vruex kuex miq yauk nuex lekuy gay rvhumc tuex,” ngoz tueq jungx tueq. |
Eshi rangham wang sey Jesu aa ujiphantey tang ma phang batta, “Nga Jerusalem náng katching etho eshináng ka eq nga miqlang tang, ajong tingwa tang etho thong tataltey tang ching wang ajong hal tintashit ching kap náng. Ning aa nga tatik eq chak phanáng etho saltom o nga wey jey ang náng.”
“Nim aa samtol eq inn mal, saalni jio Ulit kut aa kan etho Miqna Sa tha bólq sho bot rangma thalo na.”
Etho Jesu aa ujiphantey tang ma phang tatal ta, “Miqna Sa rapney tsamnang ching, miqlang tang etho ajong tingwa tang etho thong tataltey tang piq tha shingchak eq na. Piq sha tatik eq ching, etharin saltom jio piq wey jey angna.”
chammatakoi piq aa ujiphantey tang ma tatal eq chey ta. Piq aa ning ma bat kota, “Miqna sa sha dipkup eq miqtang jaknáng kochakna etho ning aa piq sha tatik eq chakna. Etho piq saal tom jio wey jey angna.”
Barey iri raaq raa tatta tang thaji they rong tathin eq pitta, “Iri sa ri chamal angwang ko?” Teyhungwa tarong ujamna tha ta thaji eq samta.
Jesu aa wa asi wani ujiphantey tang hang náng solkat ka eq ning ma batta, “Tat inn! Hiqtang Jerusalem náng ka ijo rangsamal tang aa Miqna Sa tung aa raaq wit ta tha thaji asing angna.
Req Jesu ningni jamoq Nazareth náng wey welta, eshina piq aa ningni raaq tat eq tong ta. Unu aa thaji raaq tha tin o shingta.
Ethi jio, piq aa ning ma batta, “Nga nim jamoq tong taphang tok tho iri tang raa hun bat taphang: Moses thong na, rangsamal tang aa ka shingta eshina etho Psalms likdap na i tung aa raaq chamlang ta batta tang thaji tha asing ang ching.”
Piq aa ning ma batta, “Miqna Sa shima tsamnang ukap eq ching etho miqlang tang, ajong tingwa tang etho thong tataltey tang aa piq sha chik eq ching, etho piq sha tatik chak na, etharin saltom o piq sha rollung náng wey lunna.”
Etharin iri tang raa chamlang ma batta phang takoi rangham sha sey thupha jo nga bat taphang tang sha nim aa tasik nin.” “Nga nim ma phang wang iri raaq tang batpha mong angta phang chammatakoi nga nim jamna ang táng.
Jesu aa thawel batta, “Rangwang tarong komoq angta jo nang ma ikhom o som ma chamtho ahung ang wangta, ethirangma barey nga bajak náng kota, ning ngarey tha ahan.”
Iri Jesu raa, nim jaknáng kot chak sha Shkewa jakho wang tathin ta, etho irimal hun angta. Etho piq sha nim aa gentile miqtang ma kot eq bólq o tatik chak tin.
Eshirangma hiqtang aa tat ti raaq tang sho ahan tin kot ching, irimal ang ajo hiqtang adak lam náng ka mi ang ni.