Daniel 4:35 - Bibl Koad 21: Ar Bibl e Brezhoneg evit ar Vretoned

Dirazañ holl annezidi an douar a zo kontet evel netra, ober a ra evel ma plij dezhañ, ken gant arme an neñvoù, ken gant annezidi an douar, ha n'eus den hag a c'hellfe herzel ouzh e zorn ha lavarout dezhañ: Petra ac'h eus graet?

Daniel 4:35 Referencias Cruzadas

Levr Job 23:13

Met e vennad a zo divizet, piv a raio dezhañ distreiñ? Ar pezh a c'hoanta e ene, en gra.

Levr Job 34:29

Ma ro ehan, piv a gondaono? Ma kuzh e zremm, piv a sello outañ? E-keñver ur bobl pe e-keñver un den, evel-se e ra,

Levr Job 40:2

Ar rendaeler, daoust hag e vreutaio gant an Holl-C'halloudeg? An hini a dabut gant Doue, daoust hag e responto da gement-se?

Levr Job 42:2

Gouzout a ran e c'hellez pep tra, ha ne c'hell den da herzel d'ober hervez da vennozh.

Levr Job 9:4

Fur eo e galon ha kreñv e c'halloud. Piv en deus stourmet outañ hag a zo en em gavet ervat?

Salmoù 115:3

Hon Doue, en neñvoù emañ, hag e ra kement a blij gantañ.

Salmoù 135:6

An AOTROU a ra kement a fell dezhañ en neñvoù ha war an douar, er morioù hag en holl zonderioù.

Salmoù 33:14

Eus e chomlec'h ec'h evesha holl dud a zo war an douar,

Salmoù 39:5

AOTROU, ro din da anavezout va diwezh, ha pe muzul o deus va deizioù, ma ouezin pegen berr eo va buhez.

Salmoù 49:1

D'ar mestr-kaner; salm mibien Kora.

Krennlavarioù 21:30

N'eus na furnez na meiz na kuzul evit herzel ouzh an AOTROU.

Ar Prezeger 8:4

E-lec'h m'emañ komz ar roue, eno emañ ar galloud; ha piv a lavaro dezhañ: Petra a rez?

Izaia 19:17

Douar Juda a zeuio da vezañ ur spont evit an Ejipt, pep hini a gomzo diwar e benn a vo spouronet, en abeg d'ar mennad divizet gant AOTROU an armeoù a-enep dezhi.

Izaia 26:9

Va ene a c'hoanta ac'hanout en noz. Em c'hreizon va spered a glask ac'hanout a-vintin, rak pa vez da varnedigezhioù war an douar, tud ar bed a zesk ar reizhder.

Izaia 43:13

A-raok ma voe un deiz, me a oa, ha den ne c'hell saveteiñ eus va dorn. Ober a ran, ha piv a c'hello dizober?

Daniel 6:27

Saveteiñ ha dieubiñ a ra, ober a ra sinoù ha burzhudoù en neñvoù ha war an douar, dieubet en deus Daniel eus galloud al leoned.

Jonaz 1:14

Neuze e krijont d'an AOTROU o lavarout: AOTROU! N'hor c'has ket da goll en abeg da ene an den-mañ, ha na laka ket warnomp ar gwad didamall. Rak te, AOTROU, te a ra evel ma plij dit.

Actou an Ebestel 11:17

Pa en deus Doue roet dezho an hevelep donezon ha deomp-ni ar re o deus kredet en Aotrou Jezuz-Krist, piv e oan-me evit enebiñ ouzh Doue?

Actou an Ebestel 4:28

evit ober an holl draoù en deus da zorn ha da guzul merket a-raok da zleout bezañ graet.

Actou an Ebestel 5:39

met mar deu eus Doue, ne c’hellot ket e zistrujañ. Diwallit na vefe kavet ho pefe graet brezel da Zoue.

Actou an Ebestel 9:5

Eñ a respontas: Piv out, Aotrou? An Aotrou a lavaras: Me eo Jezuz a heskinez. Kalet e vo dit herzel a-enep ar broudoù.

1 Korintiz 10:22

Ha fellout a ra deomp hegasiñ gwarizi an Aotrou? Ha kreñvoc’h ez omp egetañ?

1 Korintiz 2:16

Rak piv en deus anavezet soñj an Aotrou evit gallout e gelenn? Hogen ni hon eus soñj Krist.

Efeziz 1:11

Ennañ ivez eo ez omp deuet da vezañ heritourien, o vezañ bet raktonket hervez an diviz eus an hini a ra an holl draoù hervez ma tere ouzh e volontez,

Jozue 2:2

Hag e voe lavaret da roue Jeriko: Setu, tud a zo deuet en noz-mañ a-douez mibien Israel, evit spiañ ar vro.

1 Samuel 3:18

Samuel eta a zisklêrias dezhañ an holl c'herioù, ha ne guzhas netra outañ. Eli a lavaras: An AOTROU eo, ra raio evel ma kavo mat!