Nthi 16:24 - ÎVUKU RÎA ÛVORO MWARO

Ciugo mbaro ciîkariî ta ûûkî, nîciîguithagia mwoyo mûrîo na igekîra mwîrî vinya.

Nthi 16:24 Referencias Cruzadas

Thaburi 119:103

Kaî nî mbîgucaga ciugo ciaku irî na mûrîo-î, irî mûrîo gûkîra ûûkî.

Thaburi 19:10

Nî makwendeka mûno gûkîra thaavu ntheri, marî mûrîo gûkîra ûûkî ûrîa mûtheru mûno.

Nthi 12:18

Ciugo njûku iguraragia ta rûviû, nwatî ciugo cia mûndû mûûgî nîivonagia kîronda.

Nthi 15:23

Kuga ûndû ûrîa mwagîrîru nî gûtûmaga mûndû agîe na gîkeno, na kuga ûndû vîndî îrîa mbagîrîru nî ûndû mwaro.

Nthi 15:26

Ngai-Mûnene nîathûrîte meciria ma andû arîa aganu, nwatî nîakenagua nî ciugo cia andû arîa atheru.

Nthi 17:22

Mwîrî wa mûndû mûkeni wîkaraga ûrî na vinya, nwatî mwîrî wa mûndû ûrîa wîkaraga na kîeva nîûthiraga vinya.

Nthi 23:16

Ngoro yakwa nîgaacanjamûka rîrîa ngegua ûkîaria ûrîa kwagîrîrîte.

Nthi 27:9

Maguta na mînyamû mînungi waro nîîkenagia mûndû, nwatî thîna nîûcûkangagia mûndû.

Nthi 3:8

Gwîka ûguo, gûkethîrwa îrî ta ndawa ya mwîrî waku, na vinya wa mavîndî maku.

Nthi 4:22

Nîûndû nîcio itûûragia ûrîa ûirûmagîrîra, na ikamûva ûgima wa mwîrî wake wonthe.

Mûvunjia 12:10

Mûvunjia nîwageririe gûcaria ciugo cia gûkenia andû, nwatî aandîkaga ciugo cia ûma.

Rwîmbo rwa Nyîmbo 4:11

Mîromo yaku îcamaga ta ûûkî, mûviki wakwa, rûrîmî rwaku rûrî na îriia na ûûkî. Mûnungo wa nguo ciaku wîkariî ta mûnungo wa mîtarakwe ya Lebanoni.

Jeremia 15:16

We wambarîrie, na nie ngîkûthikîrîria, ciugo ciaku igîtûma ngene na njanjamûke, nîûndû nie mbîtanîtue na rîîtwa rîaku, we Ngai-Mûnene Ngai mwene vinya wonthe.

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.

Kûguû 10:10

Nanie nînoocire kavuku kau ga gîkûnjo kuuma njararî ya mûraika na ngîkarîa. Nako kaarî na mûrîo ta wa ûûkî kanyuarî gakwa. Nwatî narîkia gûkameria nîgaatuîkire karûrû îvurî rîakwa.