Ke endeete kûrumana, aronyitwa nî irumi icio! Ndeendaga kûrathimithania, wanake ndakarathimwe!
Nthi 14:14 - ÎVUKU RÎA ÛVORO MWARO Andû arîa acûku makaarîvwa na kîrîa kîmagîrîrîte. Nao andû arîa aro makaarîvwa kûringana na ciîko ciao. |
Ke endeete kûrumana, aronyitwa nî irumi icio! Ndeendaga kûrathimithania, wanake ndakarathimwe!
Mûndû avecagwa kîveo kûringana na ûrîa aragia; na mûndû anyitaga kîrîa kîmwagîrîrîte kuumana na wîra wa njara ciake.
Andû arîa athingu matinyitagwa nî maûndû macûku, nwatî arîa aganu methagîrwa mecûrîtwe nî mathîna.
Mûndû nîke ûmenyaga thîna wake ke mwene. Gûtirî mûndû ûngîmenya ûrîa mûndû wîngî akwîgua.
Mîario ya mûndû nîyo îtûmaga mûndû avae, maûndû marîa mûndû aragia nîmo matûmaga eganîre.
Ngai-Mûnene arauga atîrî, “Kûgwatwa nî kîrumi nî mûndû ûrîa wîvokaga mûndû, na akevoka vinya wake wa mwîrî, na ûrîa ngoro yake îreganîte na Ngai-Mûnene.
Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.
Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.
Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.
Andû a Isiraeli maûmîtie ngingo ta mvunda; Ngai-Mûnene nwa amarîthie, ta ng'ondu îreketue gîtimarî kînene?
Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”
Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”
Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.
Wa mûndû nîatuîrie wîra wake ke mwene. Wethîrwa wî mwaro, mûndû nwa etîe nîûndû wa wîra ûrîa arutîte atakûûringithania na wîra wa mûndû ûrîa wîngî.
Ethîrwa mûndû avandaga merirîriarî macûku ma mwîrî, agaaketha gîkuû kuuma merirîriarî mau macûku ma mwîrî. Nwatî ethîrwa avandaga ûvororî wa Roho, agaaketha mwoyo wa tene na tene.
Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.