Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.
Josh 10:11 - ÎVUKU RÎA ÛVORO MWARO Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli. |
Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.
Mbaara nîyatambire vûrûrirî wonthe na andû eengî nîmaakuîrîre mûtitûrî makîria ya arîa maaûragîrwe mbaararî.
Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.
Taroria, Mwathani nîethuurîrîte njamba îrî vinya; ûrîa wîkariî ta mbura ya mbembe na rûkûngi rûnene, ta makûmbî manene ma manjî makiuna; nîakaamarivania nthî na vinya.
Ngai-Mûnene nîakaarûngama ta ûrîa aarûngamire arî Kîrîmarî gîa Perazimu, na arakare ta ûrîa aarakarire arî Kîamndarî gîa Gibeoni; nîageka ûndû ûtecîkene, nîakaaruta wîra wake wa kûgegania.
Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.
Îra arathi acio mavakaga rûthingo rangi mûcerû atî nîrûkaurîrwa nî mbura nene ya mbembe, na rûringwe nî rûkûngi rûnene na nî rûkaagwa.
Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.
Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.