JEREMIA 22:16 - Bukuit Ne Tilil

Ki irwooksechi ne panan ak ne ma tinyei kiy; ki myeiit anyun. Tos ki ma konaena niito? Mwaei Kamuktaindet ne Toroor.

BUKUIT NE TILIIL Sireet ne Dutero Kanon

Ki irwooksechi ne panan ak ne ma tinyei kiy; ki myeiit anyun. Tos ki ma konaena niito? Mwaei Kamuktaindet ne Toroor.

BUKUIT NE TILIL

Kiiruoksechi ne banan ak ne matinyei kiy; kimieit anyun. Tos kima konaena nito? Mwaei Jehovah.

JEREMIA 22:16 Referencias Cruzadas

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 109:31

Amu tonone eutap tai ne po ineendet ne panani, si kosar ineendet eng' icheek che irwookyin saboondanyi.

TIENWOGIKAL 36:10

Ingotepto chamyeng'ung' ne tala icheek che ingenin; ak ingotepto yetuneng'ung' che po iman eng' mugulelwek.

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

KALEWANAIK 31:9

Ng'alaal, irwooch eng' imanda, ak irwooch agobo kibananook ak che ma tinyei kiy.

ISAIAH 1:17

oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

JEREMIA 5:28

ki koneryo miising' ak iluu. Siirtootin icheek eng' poisyonigap sogornateet; ma irwoochi si kobesyechi eng' imanit ne ma tinyei sigiik, ama irwooksechin komyee che ponondos.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

JEREMIA 9:24

Ago ingoloskei eng' ng'olyoondoni ineendet ne ilasugei, kole, ingeno ak konaa kole aa Kamuktaindet ne Toroor ne poisyee chamyet ne tala, kirwooget ak imanda eng' ng'wony. Amu aboiboitune tuguuchuuto. Mmwaei Kamuktaindet ne Toroor.

JEREMIA 9:3

Riichei ng'elyebwekwak ko uu ye riichei kwangokwak, agobo lembechek, ak kagogimegitu eng' emet, ago ma eng' imanit. Amu kong'eetyee yaityet koba yaityet, amaingeno, mwaei Kamuktaindet ne Toroor.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

JOHANA 16:3

Ak yaei tuguuchu, amu ma nai Kwanda, anan anee.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 17:6

Ki aboorchi kaineng'ung' piik che ki igoono eng' ng'wony. Ki cheguuk, ak ki igoono; ak ki koriip ng'olyoondeng'ung'.

JOHANA 8:19

Koleenji anyun icheek ineendet, “Mi ano Kwandang'ung'?” Kowol Jeso kole, “Mongeno, anan Abba. Nda ki konaa, ta ki ongen Abba agine.”

TITO 1:16

Mwaei kole ingen Kamuktaindet; ago eesyoi ineendet eng' poisyonikwak, ki koek che kiwechei, ak che ma kase iit, ama tilei kiy eng' poisyet age tugul ne myee.

1 SAMUEL 2:2

Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.