DANIEL 6:12 - Bukuit Ne Tilil

Ki riik anyun pichooto, ak kong'alaal eng' taitap laitoryat agobo ng'atuutyetap laitoryat koleenji, “Ee Laitoryat! Tos ki ma isir ng'atuutyet ak inde kaineng'ung' ing'at ile eng' peetuusyek sosom, age tugul ne saaei kiy, ngo kamuktain age anan ko chii, kobatenen inyee, ee laitoryat, kewiirchin keriingetap ng'etuunyik?” Kowol laitoryat kole, “Po iman kiito, ko uu ng'atuutyetap Medik ak Persik, ne ma walaksei.”

BUKUIT NE TILIL

Kirik anyun bichoto, ak kong’alal eng’ taitab laitoriat agobo ng’atutietab laitoriat, kolenji, Tos kima isir kaineng’ung’ eng’ ng’atutiet ile, chi age tugul ne somei kiy cheptalelit age tugul anan ko chi eng’ betusiek sosom, kobatenen inye, ee laitoriandani, kewirjin keringetab ng’etunyik? Kowol laitoriat kole, Bo iman kiito, ko u ng’atutietab Medik ak Persik, ne ma walaksei.

DANIEL 6:12 Referencias Cruzadas

ESTA 1:19

Ngot kocham anyun laitoryat, ko myee komwa ineendet ng'atuutyet ne po laitornatet, ak ngesir kobooto ng'atuutigap Persik ak Medik si ma ki wal, ngesir keele ma konyonei kogeny Basti taitap Laitoryat Aasuerus. Ak ingogoochi laitoryat etunatennyi ne po laitornatet chiito age ne kaigai kosiir ineendet.

DANIEL 6:15

Ki iyumgei anyun pichooto eng' kayanjinet koyumjigei laitoryat ak koleenji ineendet, “Ee laitoryat, nai ile ng'atuutyetap Medik ak Persik koma kiwalei, ng'atuutyet anan etanutik che igimiiti laitoryat.”

DANIEL 6:8

Igimiit anyun ng'atuutyet, ee laitoryat, ak isir kaineng'ung' eng' siruutichooto, si ma kiwal, ko uu ng'atuutyetap Medik ak Persik, ne ma walaksei.

POISYONIGAP CHE KIYOKTOI 16:19

Ago kingo keer kiptainikyik kole kagobet kamang'unetap keljinennywa, konam Paulo ak Sila, ak kochuut koba taitap pounik eng' ye kiyae mung'aaret.

POISYONIGAP CHE KIYOKTOI 16:24

Kingo kagonyoor ng'atuutyet ne uu nooto, kotoorchi icheek koot ne po oriit ak koratyi keelyekwak temeleiywek.