Ki ng'eet kemoi kween ak komut weeriinnyu eng' ye koami kota konuuchi otwogindeng'ung' ne chepto, ak komogonji tegeennyi, yeityo konde lakweennyi ne kagome tegeennyu.
MATAYO 13:25 - BUKUIT NE TILIIL Sireet ne Dutero Kanon ago ye kita koruitos piik, konyo punyondennyi ak kogoolji chemulbainik ole mi peek, ak kwo. Bukuit Ne Tilil ago ye kita koruitos piik, konyo punyondennyi ak kogoolji chemulbainik ole mi peek, ak kwo. BUKUIT NE TILIL ago, ye kita koruitos bik, konyo bunyondennyi ak kogolji chemulbainik ole mi bek, ak kwo. |
Ki ng'eet kemoi kween ak komut weeriinnyu eng' ye koami kota konuuchi otwogindeng'ung' ne chepto, ak komogonji tegeennyi, yeityo konde lakweennyi ne kagome tegeennyu.
Ki mwachi kalewenet age koleenji, “Kergei pounatetap kipsengwet ak chiito ne ki koolji kesweek che myach mbareennyi,
Ki pwa otwogik che po chiitap koot ak koleenji, ‘Kiptaiyat, ki ma igoolji kesweek che myach mbareeng'ung'? Ki pun ano chemulbainik?’
Ingobiityo tugul agoi kesisyet, ak eng' peetuutap kesisyet, ang'at kesik si koyum korook chemulbainik ak korat ratuutik si kebeel, yeityo koyumji chogennyu peek.’ ”
Puunyoot ne ki koolei chemulbainik ko chesawilyet. Kesisyet ko kagesunetap ng'wony ak kesik ko malaikaisyek.
amu tupchosyek che po lembech che ki kimut kobwa oriit eng' ung'oot, che ki mong' eng' ung'oot kosegei katyagennyo ne ki tinyei eng' Kristo Jeso, si kobiit kondeech otwoknateet:
ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';
Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:
Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.
Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.
Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.
Ago ating'enen ng'olyoo: ale ichamjini kobogoryot Jesebel, ne kuuregei maotyo; ak koneeti otwogikyuk ak kogoigoi kosokso, ak koam tuguuk che kigoochin kanamonik.