KAITOSYEK 21:29 - BUKUIT NE TILIIL Sireet ne Dutero Kanon Pwo! Inyee Moab! Kaolusye, okweek piigap Kemos! Kagogoito weeriikyik che kichililso kogoochi Sihon laitoryatap Amorik, ak tiibiikyik koek luulenik, kogoochi Sihon, laitoryatap Amorik. Bukuit Ne Tilil Pwo! Inyee Moab! Kaolusye, okweek piigap Kemos! Kagogoito weeriikyik che kichililso kogoochi Sihon laitoryatap Amorik, ak tiibiikyik koek luulenik, kogoochi Sihon, laitoryatap Amorik. BUKUIT NE TILIL Bwo, inye Moab Kaolusye, okwek bikab Kemos: Kagogoito werikyik che kichililso kogochi Sihon laitoriatab Amorik, Koboto tibikyik, koek luulenik. |
Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.
Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.
Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.
Riirei muguleldanyu amu Moab; mwechin Zoar piik che mweoti mwechin agoi Eglatselisiya. Amu togostoe Luhit koriiryoti; amu iteitos kateiyet ne po ng'emisyet eng' ooreet ne wendi Horonaim.
Igeitu toriitik che ombenioti, ak keswetap ne ki kobutok, tiibiigap Moab eng' ole kilandoe eng' Arnon.
Ak kolilaan Moab amu Kemos, ko uu ye ki ililan kootap Israel agobo Bethel, ne ki imang'u.
Tonondos che mweei ama tinyei kimnateet eng' urwetap Hesbon: amu kamang'une maat Hesbon, ak kamang'une liplibenetap maat, Sihon, ak kagobeel luuitap Moab, ak metowekwak parak che po icheek che poldos.
Pwo! Inyee, ee Moab! Kagogeskei piigap Kemos: amu kageluul weeriiguk, ak kageluul tiibiiguk.
Amu-i, kiluulin aginye, amu kaimang'u poisyoniguk ak konoraiguk: ak keluul Kemos, kobooto tisiikyik ak pounikyik.
Ageere ineendet, ago ma nguno; ageere, ago ma neegit. Tuun mang'une taboiyat Jakobo, ak ng'eetei kirokto ne po pounateet eng' Israel. Ak kokwer luukwegap Moab kogees, ak kotui weeriik tugul che po icheeget che wasegei.
Tos meibe kobunjiin ne kigoonin Kemos kamuktaindeng'ung'? Nooto anyun, age tugul ne oonei Kamuktaindet ne Toroor, Kamuktaindennyo eng' tainnyo, kename chooto kobunjech.