JOHANA 3:32 - BUKUIT NE TILIIL Sireet ne Dutero Kanon Paoryanjin ineendet kiit ne ki kogeer ak ne ki kogas; ama mi chii ne taachei paornatennyi. Bukuit Ne Tilil Paoryanjin ineendet kiit ne ki kogeer ak ne ki kogas; ama mi chii ne taachei paornatennyi. BUKUIT NE TILIL Baorianjin inendet kit ne kigogeer ak ne kigogas; ama mi chi ne taachei baornatennyi. |
Kilya si ma piit chii ye ki anyoone? Kinga kuurse koma piit chii ne wolu? Tos kigonwagit eunnyu kot koma imuuch kotyach? Anan ma tinyei kamuget ne asaruunee? Keero, ateenyi nyanjet eng' kergong'yennyu, ayae ainoosyek koek surkwen: poldos njireenikwak, ak kobek eng' melelda, amu ma mi peek.
Amu age tugul ne soomei kigoochin; ak ne cheeng'ei konyooru; ak ineendet ne igonygonyi keyatyin.
Ma aguurenok otwogik; amu ma naei otwogindet kiit ne yaei kiptaiyandennyi: ago kaaguurenok choronok; amu kaang'ang'wok tuguuk tugul che ki agase Abba.
Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”
Amwaun, iman, iman, ale kimwae ne kingen, ak kebaoryanjini ne kagegeer; amotaache paornatennyo.
Ak ki pwanji Johana, ak koleenji, “Rabbi, ibatisanisyei ineendet ne ki mi kobooten eng' Jordan komosin, ne ki ibaoryan agobo ineendet, ak pwaanjin ineendet `piik tugul.”
Amu chamei Kwanda Weeriit, ak koboorchin tuguuk tugul che yaei ineendet: ak ta koboorchin poisyonik che eecheen che siirei chu, si kobiit okwong'ye.
Atinye tuguuk che chaang' che amwae ak che arwoochi agobo okweek: ago po iman ineendet ne ki iyookwo; ak amwachini ng'wony tuguuk che ki agas eng' ineendet.”