JEREMIA 46:21 - BUKUIT NE TILIIL Sireet ne Dutero Kanon Uu kogeny piikyik che kesirei che mi kwenunnyi moek che neryootiin; amu kagoweigei let ak icheek, kagomwei tugul, ma tononso: amu kanyonji icheek peetuutap nyalildanywa, peetuut ne kibirei. Bukuit Ne Tilil Uu kogeny piikyik che kesirei che mi kwenunnyi moek che neryootiin; amu kagoweigei let ak icheek, kagomwei tugul, ma tononso: amu kanyonji icheek peetuutap nyalildanywa, peetuut ne kibirei. BUKUIT NE TILIL U kogeny bikyik che kesirei che mi kwenunnyi moek che neriotin; amu kagoweeigei let agichek, kagomwei tugul, ma tononso: amu kanyonji ichek betutab nyalildanywa, betut ne kibirei. |
Kingo keer lagogap Ammon kole kagoyaagitu icheeget eng' Daudi, koyookto keguur piigap Syria che menyei Beth-rehob ak piigap Syria che menyei Soba, si konyoor melekto murenik eliphuusyek tiptemu che punei keelyek, kobooto Laitoryat Maaka ak murenik eliphuut ak murenik eliphuusyek taman ak aeng' che po Tob.
Amu ki igoochi `Kamuktaindet ne Toroor piigap Syria kogas cheetap kariisyek ak cheetap paraisisyek ko uu cheetap lugeet ne oo: ki leenjigei anyun, “Ogeero, kagogoochi tuguuk laitoryatap Israel laitorinigap Hitik ak che po Misiriik, si kobwa kobarech!”
Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?
Ak ki choorgei soenik kobooto icheek, kiruugik che mengeechen kobooto kiruugik che eecheen. Ak kobogite emennywa korotiik, ak ko akwaitu temburyekwak eng' akwaindo.
Aseeri icheek eng' taitap puunyoot ko uu ye iseerisyei usoonetap kong'asiis; ageere pataikwak, ma keere togoochikwak, eng' peetuutap nyalildanywa.
Wendi kutinnyi ko uu ereneet; amu pendi ak lugeet, ak kobookyine ineendet aonok, ko uu piik che ebei keetiik.
Amu nee si ageere ko uu nooto? Aragendos ak koweechegei let; kagetuatui piikwak che kiimeen, ak kagomwei kochaakta, ama kusegong': mi kamuiset komosta age tugul, mwaei Kamuktaindet ne Toroor.
Otogoste, okweek, paraisisyek; ak ochakte okweek, kariigap lugeet; ak ingoba piik che nyigoonen: Kush ak Put, che tinyei long'onik; ak Ludik, che tinyei kwangok ak kong'iei.
Ibutyin keriinget, ne mwee kaiyweisyet; ak konam mesteet ne togosune keriinget: ak aipchini ineendet, nooto ko Moab, kenyiit ne aityini ineendet pireet, mwaei Kamuktaindet ne Toroor.
Omwei, oweege, oung'egei ole ma taagu, ee okweek che omenye Dedan; amu aipchini ineendet nyalildap Esau, eng' peetuut ne aityini ineendet pireet.
Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;
Obar kirugikyik tugul; ochoorte koba ole kieng'se: Pwo! Icheek! Amu kagoit peetuunywa, peetuut ne ityin icheek pireet.
Mwaei anyun Kiptaiyat Kamuktaindet ne Toroor kole: Ogeero, aborye Pharaoh laitoryatap Misiri ak airie eunekyik, che kiimeen, ak ne kiga keiri; ak agoochi rotwetap chok kobut eng' eunnyi.
Amu itinye puunyoondit ne po kotugul, ak ki igoite piigap Israel kebar eng' kimnateetap rotwetap chok eng' peetuutap nyalildanywa, eng' peetuusyegap yaityet ne po let:
Kagoit peetuusyek che kiitu pireet, kagoit peetuusyek che kiyaaktoisye; naei Israel nooto, “Perber maotyot, amei iywek chiito ne tinyei Kabuuset ne Tiliil” amu ooindap tengektong'ung', ko oo puunyoonding'ung'.
Pwo eng' icheek che ruitos eng' itogusyek che po kelegap peeleek, ak koiitogei eng' tuguukwak che kilyeldoe, che amei aaregap keechiir che po akweet, ak moek che mi piusyek;
Amechut ormariichetap piikyuk eng' peetuutap nyalildanywa; ee, amegeer usiisyennywa eng' peetuutap nyalildanywa, anan onam tuguukwak eng' peetuutap nyalildanywa.
Ne myee eng' icheek ko uu kateet ne rutei piich: ne litit miising' eng' icheek ko ya kosiir ng'ootweetap katook: kagoit peetuutap riibiguk, peetuut ne kiityinin pireet; egu anyun kaiimennywa pogei.
Ki iyookto kogeny otwogik alak kole, ‘Omwachi icheek che kiga keguur oleenji kachobok amitwogik. Kageeny eiik ak alak che akwaen, ak chobootiin tuguuk tugul; obwa igoortap katunisyet.’
Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.