JEREMIA 32:35 - BUKUIT NE TILIIL Sireet ne Dutero Kanon Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto. Bukuit Ne Tilil Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto. BUKUIT NE TILIL Ak kiteech komoswek che tororen che bo Baal, che mi atebwetab weritab Hinom, si kogoito werikwak ak tibikwak kobun mat kogochi Molek; ne kima ang’at, ama kuura met, ale si kobiit koyai kii kiwechei; ak kogochi Juda koyai tengekto. |
Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.
Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.
Metoi ineendet Israel amu tengekwogigap Jeroboam, che ki yai ineendet, che ki ibeete Israel si koyai tengekto.”
Ki yai yaityet eng' taitap Kamuktaindet ne Toroor, kowendote ortinwegap kwandanyi ak tengektanyi, ne ki ibeete Israel si koyai tengekto.
amu tengekwogigap Jeroboam che ki yai, che ki ibeete Israel si koyai tengekto, ak amu taget ne kitach Kamuktaindet ne Toroor, Kamuktaindetap Israel, si konereech.
amu tengekwogikyik che ki yai, koyai yaityet eng' taitap Kamuktaindet ne Toroor, kowendate ortinwegap Jeroboam, ak tengektanyi ne ki yai, kobeete Israel si koyai tengekto.
Ayae koong'ung' kogergeit ak kootap Jeroboam weeriitap Nebat, ak kogergeit ak kootap Baasha weeriitap Ahija, amu taget ne kiitacha anereech ak igoochi Israel koyai tengekto.’
“Amu kogoyai Manasseh laitoryatap Judah tuguuchu kiwechei, koyai yaityet kosiir tugul che ki yai Amorik, che ki mi eng' tai, ko tomo kobiit ineendet ak kogoochi Judah agine koyai tengekto eng' kanamonikyik;
Ki teech kapkorosusyek eng' kootap Kamuktaindet ne Toroor ne ki mwa Kamuktaindet ne Toroor agobo koyooto kole, “Andoi kainennyu Jerusalem.”
Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.
Kibut kapkorosuut ne ki mi Bethel, komosta ne toroor ne kiga koyai Jeroboam weeriitap Nebat, ne ki igoochi Israel koyai tengekto; ki peel komosta ne toroor ak kotuatui koek pusbusiik, ak kobeel Asera.
Nganda uu nooto ko ki nam ineendet tengekwogigap Jeroboam weeriitap Nebat, che ki ibeete Israel si koyai tengekto; ma istoegei.
Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.
Ak ki igoochi anyun Manasseh Judah ak piik che ki menyei Jerusalem, koyai tengekto kot koyai yaityet kosiir pororyosyek che king'em Kamuktaindet ne Toroor eng' taitap piigap Israel.
Ki ingelelso kogeny miising' tisiik tugul che eecheen, ak piik, koosup tuguuk tugul che kiwechei che po pororyosyek; ak ki imurwon kootap Kamuktaindet ne Toroor ne kiga kotabaan eng' Jerusalem.
che olaali mageng'wong' eng' keetiik keel, eng' kelutap keetit age tugul ne tuon; okweek che obare lagok eng' atebwosyek, eng' ole kibetak eng' rwandosyek?
ak obe agoi atebweetap weeriitap Hinom, ne miitei ye neegitee ole kibunei eng' ormariichetap rokyonik, ak imwaite eng' yooto ng'aleek che ta amwaun.
Kigoutyenen chamaniguk tugul: ma cheeng'in: amu kaaguotenin eng' kaguotenetap puunyoot eng' katigonetap ineendet ne koroom; amu ooindap yaityeng'ung', amu kitesagis tengekwogiguk.
Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”
Amu ki koyai lagogap Judah kiit ne ya eng' tainnyu, mwaei Kamuktaindet ne Toroor. Ki konde tuguukwak che kiwechei koot ne kimwaitoe kainennyu ak komurwon.
Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.
Amu ki koyai ibeetapkei, ak komi korotiik eunekwak, ak ki koipkei kobooto kanamonikwak; ak Ki kogoochi icheek kogeny weeriikwak che kisikwa, ki igoito kobun maat si kobiit kebeel.
“Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.
Ki oip okweek emait ne po Molok, ak kecheiyat ne po kanamwet Repan, kanamonik che ki oyai si osaa. Ara amu nooto autok obe Babilon pitoniin.’
Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.
Amat kobiit eng' okweek ne igoitoi weeriinnyi anan cheptonyi kobun maat anan ne poisyee ng'oorset anan sageiywek anan ne isagisyei anan poonindet,
ko mat komut manong'otyondennyi ni ki po tai ne ki oonei ineendet kole koek osotyonnyi kogeny amu ki king'wanit ak ko wegot yautyet ne uu nooto eng' taitap Kamuktaindet ne Toroor. Amat igoochi emet ne koonin Kamuktaindet ne Toroor Kamuktaindeng'ung' koek poroteet koyai tengek.