Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.
ISAIAH 19:25 - BUKUIT NE TILIIL Sireet ne Dutero Kanon Amu tuun iberuur Kamuktaindet ne Toroor ne po lugoosyek icheek, koleen, iberuurotin piikyuk Misiri ak Assyria poisyetap eunekyuk, ak Israel porotennyu. Bukuit Ne Tilil Amu tuun iberuur Kamuktaindet ne Toroor ne po lugoosyek icheek, koleen, iberuurotin piikyuk Misiri ak Assyria poisyetap eunekyuk, ak Israel porotennyu. BUKUIT NE TILIL amu kogoberur Jehovah ne bo lugosiek ichek, kolen, Iberurotin bikyuk Misri ak Asuria boisietab eunekyuk, ak Israel bortannyu. |
Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.
Isuldaiwo Kamuktaindet ne Toroor tuguuk che nyoljino; tebyei rireeneng'ung' koigeny, ee Kamuktaindet ne Toroor; amebagaakte poisyonigap euneguk.
Egu ne po somok Israel eng' peetuunooto, kobooto Misiri ak Assyria, koek kaberuret eng' ng'wony.
Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.
Ago ye keer ineendet lagokyik, nooto ko poisyetap eunekyuk, che mi kwenunnyi, kotabaan kainennyu; itabaani Ineendet ne Tiliil ne po Jakobo, ak koywei Kamuktaindetap Israel.
Mwaei Kamuktaindet ne Toroor, Ineendet ne Tiliil ne po Israel, ak ko Yaindennyi, kole, teebena agobo tuguuk che pwoonei; ong'ata agobo weeriikyuk, ak agobo poisyetap eunekyuk.
Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.
Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.
Ak konaak iyotennywa eng' pororyosyek, ak konaak lagokwak eng' piik: ak naei piik tugul icheek ye keer, kole, chu iyoteet ne ki koberuur Kamuktaindet ne Toroor.
Ee, Kamuktaindet ne Toroor, amu nee si igoonech kemaste eng' ortinweguk, ak iuuit mugulelwekyok si ma kiywein? Weege amu otwogiguk, pororyosyegap poroteng'ung'.
Nganda uu nooto, ee Kamuktaindet ne Toroor, inyee ko ii kwandanyo. Ki meneet ak inyee ko ii mimiindennyo; ki poisyonigap euneguk acheek tugul.
Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.
Ma uu chuuto kebebertap Jakobo; amu po tai ineendet eng' tuguuk tugul. Israel ko pororyetap porotennyi: kainennyi ko Kamuktaindet ne Toroor ne po lugoosyek.”
Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.
Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”
Ak ko uu ye ki oegu che chubootiin eng' pororyosyek, ee kootap Judah ak kootap Israel, asarwok anyun, si oegu kaberuret. Amoiywei, ago ingogimegitu eunekwok.”
Ki keer anyun Balaam kole chamei Kamuktaindet ne Toroor koberuur Yahudik, ak ma wo ko uu atkai tai, kwo kocheeng' ponitwogik, ago kitokyigei surkwen.
Anan Kamuktaindet ko Kamuktaindet ne po Yahudik kityo? Ama Kamuktaindet ne po Pororyosyek ak icheek? Ee, po Pororyosyek ak icheek:
Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:
Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.
angen komyee ng'olyoondoniito, ale ineendet ne ki toi poisyet ne myee eng' okweek koyaei kosulda agoi peetuutap Jeso Kristo:
Okweek che ki ma ko oo pororyet eng' tai, ago nguno ko oo pororyetap Kamuktaindet; che ki ma osich rireenetapkei, ago nguno ko kaosich rireenetapkei.