ISAIAH 1:28 - BUKUIT NE TILIIL Sireet ne Dutero Kanon Ago tuun king'emei tuwai, pistoik ak kiptengeginik eng' peetuut agenge, ak tuun kigeesu che metoi Kamuktaindet ne Toroor. Bukuit Ne Tilil Ago tuun king'emei tuwai, pistoik ak kiptengeginik eng' peetuut agenge, ak tuun kigeesu che metoi Kamuktaindet ne Toroor. BUKUIT NE TILIL Ago tun biitu ng’emisietab bistoik ak ne bo kiptengeginik eng’ betut agenge, ak tun kigesu che metoi Jehovah. |
“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.
Ki ingelel anyun Edomik kobagaakta pounatetap Judah agoi rani. Ki ingelel agine Libna eng' peetuusyechooto, amu kiga kometo Kamuktaindet ne Toroor, Kamuktaindetap kwanisyekyik.
Amu kieng'ji tiseiywek kamuktaigap Damasko, che kibar ineendet; ak ki le, “Amu toreti kamuktaigap laitorinigap Syria icheek, aeng'jini anyun agane icheek, si kobiit kotoreta.” Ago ki ek chooto che king'em ineendet ak Israel tugul.
Ki par Pekah weeriitap Remaliah piik eng' Judah eliphuusyek pogol agenge ak tiptem eng' peetuut agenge, che ki piik che nyigoonen chooto tugul, amu kimeto Kamuktaindet ne Toroor, Kamuktaindetap kwanisyekwak.
Amu ingen Kamuktaindet ne Toroor ooreetap che po imanda; ago petei ooreetap kiptengeginik.
Ingiwong' kiptengeginik eng' ng'wony, ak ingobetyo che yaacheen agoi. Ilasu Kamuktaindet ne Toroor, ee saboondanyu. Olasu Kamuktaindet ne Toroor!
Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!
Ing'eme che mwaei lembechek; wechei Kamuktaindet ne Toroor tumdaindetap korotiik ak ng'aaliindet.
Amu keero, petos icheeget che looen eng' inyee: Amu ki ing'em icheek tugul che ki isup ibeetapkei koistoenengei.
Ki iger kong' pororyosyek, ak ki ing'em kiptengeginik, ki ibukte kainennywa koigeny agoi koigeny.
Amu, keero, ee Kamuktaindet ne Toroor, puuniguk, Amu, keero, lustos puuniguk. Kiyestooti yaigap tengekto tugul.
Ineendet ne iuuiiti kaatinnyi, ko kageger kong' konyil che chaang', ko yaitu eng' chokyinet, ama mi kiy ne kinyae.
Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.
Terteryoti ng'wony ko uu chiito ne kabogit, ak keistoot kwo komosi ak komosi ko uu koot; ak konyigiisityi pistoennyi, ak kobut, ama kong'eetei kogeny.
ko uu nooto anyun kergeitu tengegito eng' okweek ak ole kigong'eer ole neegit kobutok, ne kogotoorgei eng' inaatut ne kooi, ne luulei kochokyin.
Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?
Mwaei Kamuktaindet ne Toroor kole, mi ano parweetap pesyetap kamenng'ung', ne ki aoone ineendet? Anan ki aaldachok ng'oo ne yaacha? Ki kialdak amu yaitwogikwok, ak ki kioon kamenng'ung' amu pistaosyekwok.
Ogeero, okweek tugul che olaali maat, che ogermenegei kegenganik: obunote liplibenetap mang'wong', ak eng' kwenutap kegenganik che kaolaal. Onyooru niito kobunu eunnyu; oruitosi eng' arageneet.
Ago cheeng'a peetuut age tugul, ak chamei konai ortinwekyuk: ko uu pororyet ne ki yai imanda, ama meto kirwoogetap Kamuktaindennywa, teebena kirwoogutik che po iman, chamei koriikyi Kamuktaindet.
Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.
Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:
Mwaei Kamuktaindet ne Toroor kole, igesugei icheek tugul che ianyinyegei ak kotiliilegei si koba mbareenik, kosubotkei ak koamei panyeegap toorook, ak che kiwechei, ak mureek.
Ak komanda koba kogeer muuswegap piik che ki ingelelja: amu ma pegu kutikwak, ama kimisi manywa; ak koek che wechei piik tugul.
Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.
Ak anam che ng'etu che po Judah, che kitokyigei emetap Misiri, koba kotebee olooto, ak kigeesu icheek tugul: ibutos eng' emetap Misiri; kigeesu icheek eng' rotwetap chok ak eng' rubeet; pegu icheek, kong'etee ne ming'in agoi ne oo, eng' rotwetap chok ak eng' rubeet: ak koek che kichubei, ak che kikwong'ee, ak che kisasei, ak che kichotei.
Ng'oo ne ng'oom, si koguiyo tuguuchuuto? Ng'oo ne utaat, si konai tuguuchooto? Amu lititen ortinwegap Kamuktaindet ne Toroor, ak pendotee che po iman ortinwechooto; ago ibutyin olooto pistoik.
Ye mwaei icheek koleen, Kaalyeet ak chametapkei, koche anyun icheek ng'emisyet, ko uu ye ityin ng'wanindo kobogoryot ne machei kosigiis; ago ma koi chililso.
ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.
Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”