1 SAMUEL 17:47 - BUKUIT NE TILIIL Sireet ne Dutero Kanon Nae tuiyoni tugul kole, ma saruunee chii Kamuktaindet ne Toroor rotwetap chok ak ng'otit, amu po lugeet Kamuktaindet ne Toroor ak indeok eunekyok.” Bukuit Ne Tilil Nae tuiyoni tugul kole, ma saruunee chii Kamuktaindet ne Toroor rotwetap chok ak ng'otit, amu po lugeet Kamuktaindet ne Toroor ak indeok eunekyok.” BUKUIT NE TILIL ak si kobiit konai tuiyoni tugul kole, masorune chi Jehovah rotwetab chok ak ng’otit: amu bo luget Jehovah ak indeok eunekyok. |
Ki week kwo ole mi chiitap Kamuktaindet, ineendet ak piikyik tugul che ki mi ak ineendet, ak ki nyo ak kotonon eng' tainnyi: ak kole, “Kaanai anyun nguno, ale ma mi Kamuktaindet eng' ng'wony tugul, kobatee eng' Israel. Ara asaain nguno anyun ale, taach konunet eng' otwogindeng'ung'.”
Ki riirchi `Asa Kamuktaindet ne Toroor Kamuktaindennyi, kole, “Kamuktaindet ne Toroor, ma mi age kobatenen ne imuuchi kotoretis eng' kwenutap ne kiim ak ne ma tinyei kimnateet: toretech, ee Kamuktaindet ne Toroor, Kamuktaindennyo; amu kimang'un, ak kagibwa kebarge ak tuiyoni eng' kaineng'ung'. Ee Kamuktaindet ne Toroor, ii Kamuktaindennyo; amat koterteerin chii.”
Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.
Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.
Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”
Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.
Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?
Ki leenji `Kamuktaindet ne Toroor Joshua, “Meiywei icheek, amu kande icheek euneguk. Ma mi chii eng' icheek ne imuuchi kotonon eng' taing'ung'.”
Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”
Ki leenji `Saulo Daudi, “Oroni cheptonyu ne oo Merap, agoonin ineendet itun. Egu kityo nyiganennyu, ak iyai lugosyegap Kamuktaindet ne Toroor.” Amu ki le Saulo, “Ma mache kotwa eunekyuk ineendet, ago ingobar ineendet eunegap Philistiik.”