1 SAMUEL 12:21 - BUKUIT NE TILIIL Sireet ne Dutero Kanon

Momaste osup tuguugap puch che ma imuuchi kotoret kiy anan kosar amu puch.

Bukuit Ne Tilil

Momaste osup tuguugap puch che ma imuuchi kotoret kiy anan kosar amu puch.

BUKUIT NE TILIL

amomaste osub tugukab buch che maimuchi kotoret kiy anan kosor, amu buch.

1 SAMUEL 12:21 Referencias Cruzadas

2 LAITORINIK 17:15

Ki eesyo ng'atuutikyik ak kayomisennyi ne ki iyomiskei ak kwanisyekwak, ak paornatosyekyik che kibaoryan agobo icheek. Ki isup icheek tuguuk che po puch ak ki ek puch. Ki isup pororyosyek che kiga yiem icheek, che kiga ng'at `Kamuktaindet ne Toroor icheek agobo pichooto, koleenji, “Amat oyai ko uu ye yaei icheeget.”

ISAIAH 41:29

Ogeer tugul o, tangoita poisyonikwak ak ko puch: usoonet ak toiyet kanamonikwak che kitanyi.

ISAIAH 45:20

Oyumgei obwa; oriigu tugul, okweek che ki ochilile pororyosyek: ma tinyei naet icheek che ibei keetitap kanamwennywa ne ki kiwai, ak kosaaei kamuktain ne ma imuuchi kosar.

ISAIAH 46:7

Ibe tigikyyet, laei, ak koteepto eng' oldanyi, ak kotonon; ma keisto eng' komostanyi: ee, riirchin age kioto, ama imuuch kowol, anan kosar ineendet eng' nyalildanyi.

JEREMIA 10:15

Puch chooto, poisyetap ng'aalseet; petos eng' peetuut ne ityin pirennywa.

JEREMIA 10:8

Ago uu icheek tugul tyong'ik ak ko abusotiin kaneetisyet ne kineeti kanamonik, ko uu ye kineeti ketin.

JEREMIA 14:22

Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:5

Mwaei Kamuktaindet ne Toroor kole: “Nee kiit ne ma po iman ne kinyoorcha kwanisyekwok, kot kolooitena, ak koba kosubot kamuktaik che ma tilei kiy, ak kagoek icheek puch?

JONAH 2:8

Icheek che isubi atebosyek che ma nyolu che po lembech, ko istoegei rireenennywa pogei.

JONAH 2:9

Ago kobooto mwaetap kongoi aeng'un tiseiywot; che ki aaroorun ayaagun. Po `Kamuktaindet ne Toroor yetunet!”

HABAKUK 2:18

Tilei nee kanamwet ne ki kiwai, kot koyai musogindet; ak tilei nee kanamwet ne kitanyi, ak kaneetindetap lembechek, kot koomang' kitang'indet ne yaei, kot kotany kanamonik che ma twegu?

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

NG'ATUTIK 11:16

Oriipkei anyun si ma kiberber mugulelwekwok, ak omaste oot kanamonik ak ogutung'ji.

NG'ATUTIK 30:17

Ago ngo masta muguleldang'ung' amecham igas, ago ngichuutin iwe isaa kanamonik ak ioot,

NG'ATUTIK 32:21

Ki koono ng'etkonda eng' otetap che ma Kamuktaindet; Kitacha eng' tangoitanywa: Ara anyun nguno ko kagoochi icheek ng'etkonda eng' che ma poror; Atache icheek eng' pororyet ne abusat.