Luke 10:9 - Hawa Naga Bible 2001 Kvruex ghaqyungx wawc vthuiuz vsac jix htenc muinz tvhvlc kuq ruiux, ‘Tishox Mungtan kuex nuimshiq hep nuex httuiuc wvnc yaq,’ ngoz tueq jungx kuq shuinz. ASII LAKDAP Bible (BSI) Lanta, kra chela na maiq atsi asiti sitlaq kra tiihea kuq ronglaq. Lanta tsangshiq ma, ‘Shiikeawe Mungtan ka namshiq thoniishe,’ nguta chongkuq ronglaq. Muklom Eshi samhaq wang atakasa tang shi taqhal inn, etho eshiwang miqtang shima bat inn, ‘Shkewa mungtan nim relna sey thupha.’ |
Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.
Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.
Kvruex baunglaung maq phaungc vtueq Yesu rueq bomjungc jungphvnx wvnc tueq kuex: “Raungx Mungtan kuex httuiuc wvnc yaq shex, nuimshiq mvrax wawc thuinz kvlayc wuez vtueq yek waung wuez luit!” ngoz tueq.
Yesu rueq, “Tishox Mungtan kuex yvmx rulc rv-ngvlc yaq ngoz tueq lac naungshiq rueq jungx shix nguinx? Kvruex tvrv-ngvlc tvkoc yvmx maq bomc tv-ngvlc juing lac?
Tsuinghez rueq htaungc paunghvlc yurc gay lot tueq, nuiyc vthuiuz vsac jix paunghvlc htauk nuex olip puiz tix maq nyvt kuq vtueq tsuingshiq kuex tvhvlc kuq tueq.
Yuq muinz nuimshiq nyuip wvnc tuinx ghaq wuinz kvraq nuimshiq malc wvnc muq ngoz ruiux kuex lvmx htenc kvyuq khuemx kaz vtueq,
‘Nuiyshiq yaz nuex kop yaq nuimshiq ghaq wawc bokkhuyx kuex, nuimshiq muex honc tvsvmz kuy tvkoc nuiyshiq rueq tuit gay shec vshix. Yuq muinz Tishox Mungtan kuex nuimshiq hep nuex shex httuiuc wvnc yaq lvmx kuex tuiuz wuez shuinz, ngoz tueq jungx shuinz!’
Kvruex yimaq Tishox Mungtan lvmx tvluingc kuy tvkoc nuiyc vthuiuz vsac jix tvhvlc kuy tvkoc nvr tvkaz tueq.
Yesu rueq, “Ngaz rueq mnoz muex vsuing jungx kuq ix, vjawc rvhumc yek muq waz ukhaq yuq muinz Tishox Mungtan kuex khiz lvp shuex rvmuq,” ngoz tueq tvralc tueq.
Yesu rueq, “Ngaz rueq mnoz muex vsuing jungx kuq ix, yuix nuiyc Siyac maq vjawx rvmuq ngoz ruiux kuex ukhaq muinz Tishox Mungtan nuex nyuip lvp muq.
Vtvsuip nuex Polu rueq jungx tueq, “Tishox rueq palc daungc wvnc lvmz bomjungc kuex Pungnuk miqsaz htenc muex kuq gay koq tueq tsuingshiq rueq tay wvnc wuez shuex kuex nuimshiq rueq tuiuz wuez shuinz!” ngoz tueq.
Tishox Mungtan lvmx kuex jungphvnx kuq ruiux, Taungjix Yesu Christu nuex seng yaq lvmx kuex tvhttoarc tv-phaungx khvmc thuinz vhttax maq jungphvnx tvluing kuq wvnc tueq.