Bale Ateemit li aan ánayinaawu: «Esoŋaye! Li ehukaayi inye faŋ yo, fan uket. Muñeˈe ayi ammuu li aŋa’ wahawu feh wan uhahenumuu boot li awu humumi?»
Hulimahu Hásuumaahu loon Lík akiic homuu 6:25 - Jola-Kasa Iyéno, bukuluul jammuu muñeˈe li hufooñ, mata fan jibil jicaalet! Iyéno, bukuluul jammuu muñeˈe li él̥uu, mata fan jíyiyeni ban fan jil̥ok! |
Bale Ateemit li aan ánayinaawu: «Esoŋaye! Li ehukaayi inye faŋ yo, fan uket. Muñeˈe ayi ammuu li aŋa’ wahawu feh wan uhahenumuu boot li awu humumi?»
To untu, to jíl̥okaju jommuu li sílaam sáamak, bukuluul bajuke Abulaham, Isaak li Sakob, li kufulofetaku, ban bukuluul li kubetenuul tíyaŋ.
Iyénowuul, bukanabuku feh balobe majake kuya li bukuluul, mata muñaˈa situubayiil sihaan sinaake silobumuu majake siya li bukanabuku kanaake kúmalumuu koon kufulofet koom!
Jakut foof min jinaak jilob kulim kata búsunnikoo, kulim kata bul̥uuhoo, mantee foof kúmalla kásuumut bajam. Kulimaku kooluul koote kulako kulim kata kasal Ateemit.
Nan bukanabuku kommuu li koon: «Muñeˈe lubajaale kásuumaay, muñeˈe let úkoliyaal wahoowah,» no unnu búyiik bommuu li buyaan bulowiil, loon sílaam silowemuu anaale ahalete, ban an li buko let afak.
Jihaas joon jíyiyeniyiyeni. Jikannoo ban li jíluulen. El̥úuwayi yooluul ejow elaañ jíl̥ok, ésuumansuumayi yooluul li elaañ buyina.
Mata loonesoon: “Likankaan usaanum, ínje an abaje, ban igayut wahoowah.” Ban uhaasut oon awu asukateen, li úyiyeni ban li ugay, lí úfuum ban ukokowut!