Hulimahu Hásuumaahu loon Lík akiic homuu 16:15 - Jola-Kasa Yéesu li aaniil: — Bukuluul jikankaan bukan kajokoolowe loon bukan kacole joom hákil ésukayi, bale Ateemit lahaase waa wóomi li uyinumuul. Mata wahawu wan bukanabuku kuluukenumuu, Ateemit afañut wo maayeet. |
Wahoowah feh wan kukaane, kukankaan wo boot ñajuko. Mó lí múji li kunaak kuŋa’ hulimahu hata Ateemit kukaan li kuhut káamak, kukok li síjontumasu sooliil, mantee foof li sibosokasu sooliil. Ubeyawu wata kújufaaku kooliil wáamak, ban li kunaak kugalo ul̥aac wabaake.
— Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban.
«Mó mújimuu, usenumuu asukateen wah, jakum ul̥ok kasiin. Mata muñaˈa káhoolomuu kukaanemuu li siluufasu sata kal̥awaku, li útinawu, bájum ésukayi li esaliil. Li mal̥egenamu fan ilobuul, bacaamabu booliil kuyab bo kuban.
— Jilakomuu kal̥aw, jakum jiliikoo li káhoolomuu, kafañemuu kuyito min kul̥aw li siluufasu sata kal̥awaku, li tan útinawu úlandoomuu, bájum ésukayi li ejukiil. Li mal̥egenamu fan ilobuul, bacaamabu booliil kuyab bo kuban.
Bale ánayinaawu aliikenemuu ésukayi eluwaayi yata Móyiis li afañ min akooŋenoolo, li agel̥l̥en Yéesu aanool: — Kama ayi ammuu afaalom an?
Muñeˈe Amaaŋenawu li aanool: — Bukuluul kufaaliisiyeŋaku, fan jítil̥ kata búsol ejunkayi li buyinjaayabu, ban kata láalawuul ummu min meeŋ dó kásiibo ékuwet li búl̥afut.
Afaaliisiyeŋawu li ajow alako balewool min al̥aw aan: «Ateemit, lisali min inokoolutumuu loon bukan kaabuku kákuuwetemuu, li kájakaatimuu, ban li kunaak kuhinten kanaale kalet kooliil. Lisali min inokoolutumuu loon áyababuhalabu umma.
Fan ilobuul, áyababuhalabu abajumuu hujamoo li Ateemit átowum ajow bóot, bale inti afaaliisiyeŋawu. Mata an atebenoolomuu, Ateemit fan awalenool, bale an awalenoolomuu, Ateemit fan atebenool.
Anáyinaawu li aan Yéesu: — Likankaan wahawu unwu feh loon eluwaayi inyu elobumuu yaan no ínje baloŋe áfu’.
Yéesu li afamen alob bukittenoolumabu umbe aya li bukanabuku kajokoolomuu loon buko bukan kacole hákil Ateemit, ban li kunaak kubes kaabuku. Li aaniil:
Muñeˈe li kulako kafooy Yéesu. Li kúboñul bukan bata Yéesu, min kukaan loon buko bukan kacole koom. Bukanabuku umbuku koote kugel̥l̥en Yéesu kagel̥l̥en kata jabuutoo, mantee li kújokumool li balobelool bajakut, min kújowum tó kujokool kusen águubelunaalawu aanomuu anahaanawu li atiibaawu ata ésukayi.
Li kuyab wahawu feh wan kaalaaku kahokumuu kúyiniil kuhine kubajumuu, ban li kunaak kul̥aw fiyo boot ñajuko. Mó mújimuu, Ateemit fan atekiil kútek kásengiye ŋáa’.
Ban jokutool min kulobool mata an, mata akila humumool lahaase waa wóomi li buyinum bata an.
Yéesu li alaañen agel̥l̥enool búhaajut aanool: — Simoŋ, awu ata Saŋ, lufañonfañ? Li jok Fiyeel ŋáa’, mata Yéesu lalaañenlaañen agel̥l̥enool búhaajut aanool: «Lufañonfañ?» Fiyeel li aanool: — Amaaŋen, awu jahaasumuu wahawu feh, luhaase oon lifañifañ. Muñeˈe Yéesu li aanool: — Ucookoo kúgalalaanaku kúmbaam.
Sudaas lakankaan majakut min kucaamool. Nan kucaamoolumuu, li aŋa’ sídalamasu min anoom eŋam. Li eŋamayi inyu Sudaas aŋa’muu kaneew min akokoo. Ehuluŋayi yoola li élowumul ló elo eya húkowahu hata yo, min halahu húweelo min múyokolamu moola múfulul muyiisoo li etaam.
Nan kusenumuu ujawawu kuban, buko foofiil feh li kul̥aw loon muñeˈe: «Amaaŋen, awu luhaase wahawu wammuu li buyinumabu bata anoowan feh. Uhíisoli ayi li umbuke kúl̥uba lul̥usumuu,
Ban, Ateemit ahaasumuu kayinoo kata anoowan, láhiisenhiisen kaanaku layabiiyab nan aseniilumuu Buyinumabu Banabaabu foof loon asenolaal bomuu.
Wahawu unwu újimuu let baj an aŋale sembewool min akaan loon eluwaayi elobumuu, jow yok took min Ateemit ajokool an acole hákilool. Li mal̥egenamu, eluwaayi yoonosoono to bale boot kakaan bukanabuku min kuhaas mata kahoofoo.
Ateemit ajukemuu wahawu wammuu li uyinumawu, lahaase waa Buyinumabu Banabaabu bufañe bul̥aw, mata Buyinumabu bul̥awel̥aw loon Ateemit afañumuu, boot li bukanabuku koola.
Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.
bale moote mulako majak mata káta láala buyinumabu booluul, mammuu majak mayilaat mukajen, mata buyinum bájoobiye li básuume. Majakamu ummu mubajumuu jáliŋ ŋáa’ hákil Ateemit.
Li manolamu, bukuluul jañiilomuu, joote jítuul kunahaanaku kooluul. Bukuluul foofuul feh anoowan laate awalenoolo hákil afaalool, mata loon Bakiicelabu bulobumuu: «Ateemit lahoohoy bukanabuku katebenoolomuu, min asen kájiyaku koola kawalenoolomuu.»
Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.