Eébulo 2:6 - Jola-Kasa

Akee lansaan tikee: «Ateemit, waa ál̥ahukowan aam, mata min uwayil̥owool? Waa añool húkow hul̥a aam, mata min ucookoolool?

Eébulo 2:6 Referencias Cruzadas

Hulimahu Hásuumaahu loon Lík akiic homuu 1:68

— Usalaal Amaaŋenawu, mata labiibil kalamben ésukayi yoola, min afaken yo.

Hulimahu Hásuumaahu loon Lík akiic homuu 1:78

Mata Ateemitawu oololaal lababbaj káyiyen ban li ásuum, mó mújimuu fan akaan ehiitum ehiitenumulolaal haatiya, loon banakabu bo li kayitowul.

Hulimahu Hásuumaahu loon Lík akiic homuu 7:16

Bukanabuku kalako tomuu feh li kúkoli. Li kunaak kusal Ateemit koon: — Afulofet áamak láfululo li alolaal. Li koon foof: — Ateemit labile kalamben bukanool.

1 Kata Tesalonik 4:6

Mo emmuu, jakum an abunt atuyool, jakum foof ágecool li wahoowah. Loon jilobuul nomuu ban li jilaañen jilobuul mo, Amaaŋenawu fan atek bukanabuku feh kakaanemuu loon muñaˈa.

Eébulo 4:4

Li mal̥egenamu, lollob tikee li Bakiicelabu mata hunakahu hutoken li húl̥ubutahu kaanaku: «Ateemit li ayool̥o li hunakahu hutoken li húl̥ubutahu okila bakaane bulokabu boola feh.»

Eébulo 5:6

Ateemit li alob tikee foof aan: «Awu álamba loom boot nanoonan loon Melikisedek.»

1 Fiyeel 1:11

Buyinumabu bata Kilisita li buko bulakowe, ban li bulobiil búkibben mata sílaamasu san Kilisita ammuu li álaam, li mata máyiineniyamu mammuu li múnabul li só. Li kulako huŋes boot min kuhaas taŋayi li waa wommuu li ukaan, nan wahawu wan Buyinumabu bulobiilumuu wommuu li ubaj.