2 Kata Koolent 8:7 - Jola-Kasa

Muñeˈe bukuluul jibaje wahawu feh ŋáa’. Jibaje káyinen, jihaase jak buu lobemuu, jihaase wahawu wata Ateemit. Jihankenehanken li wahoowah feh, ban húbooliyahu han jíhiisuulumuu hunhu li bukuluul. Mó mújimuu, joote kama jinaak jihaŋ masen ŋáa’.

2 Kata Koolent 8:7 Referencias Cruzadas

Máciya 25:22

Alokaawu ayabumuu sihanjalasu sata éwulusayi síteemeel síl̥uba, li ákoojul foof ban li aanool: “Anahaan, sihanjal sata éwulus soono síteemeel síl̥uba luseneenom eekeni. Bale ujuke, libajulobaj sihanjal sakee sata éwulus soono síteemeel síl̥uba, ifamen to.”

Kata Lom 15:14

Kutuyom, ínje humumom líyinenyinen kaanaku bukuluul jikankaan bukan kásuume ŋáa’; jihaase wahawu feh wan jóotimuu jihaas, ban jiyilo foof jinaak jisaaboo.

1 Kata Koolent 1:5

Li mal̥egenamu, li hujamoolahu hooluul li Kilisita Ateemit asenumuulumuu hubaj hata káji kanookan, háŋum kata hulim hanoohan li kata kahaasemiñ kanookan.

1 Kata Koolent 12:13

Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.

1 Kata Koolent 12:8

Buyinumabu fan busen akee káji kata bújallo li elob, aahu Buyinumabu banolabu li busenool hulim hata kahaasemiñ.

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.

1 Kata Koolent 13:8

Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj.

1 Kata Koolent 14:12

Bukuluul foof mo manolamu! Emmuu jifanfañ ŋáa’ újiyawu wata Buyinumabu Banabaabu, jihaŋ maŋes újiyawu wayilimuu ulamben Ejanguwayi feh min yank li káyinenaku.

1 Kata Koolent 4:7

Kama ayimaa akaani uhaŋ kaabuku? Waa lubaje wan Ateemit asenuti? Ban nokoomuu loon wahawu wan ubajumuu kusenisen wo, wáa lí úji lí óoti uteben ubandi loon eenimuu wah wan kusenuti?

2 Kata Koolent 7:7

Ban inti ebilayi yata Tit bale éwankulenoli, bale min álobolimuu buu bukuluul jiwankulenoolumuu eeno akila humumool. Lálobolilob buu bukuluul jifañumuu ŋáa’ min jilaañen jijukom. Li áloboli foof mata jíl̥okoolaju jooluul, li buu jibajumuu káyikil̥o kata kalaañ búmbaam hákil kulatoolawom. Wahawu unwu feh ukaanonkaan min ihaŋ mabaj ésuumahukow.

2 Kata Koolent 8:6

Tit okila anaake ayabumuu booluul wahawu wan bukanabuku kunaake kusenumuu. Wahawu unwu újimuu áloli li jiyaakoolool min ahabel akaan booluul bulokabu umbu bajakumuu ŋáa’, loon átoŋ bomuu.

2 Kata Koolent 9:14

Fan kul̥aw boot li bukuluul, min kúhiisuul húbooliyahu han kúbooliwuulumuu, humum hata kájiyaku káamakaku kan Ateemit asenuulumuu.

2 Kata Koolent 9:8

Ateemit layilo asenuul wahoowah feh wajake, bájum li jibaj nanoonan wahawu feh wan jokuulumuu li wo, ban fan jibaj jifamen to wahawu wan jommuu jinaak jiŋa’ min jikaan wah feh wajake.

Kata Efées 4:29

Jakum kulim kajakut kúfulumul li utumawu wooluul, bale jinaak jilob kulim kásuume kata kawankulen bukan li káyinenaku kooliil. Koote kulako kulim kata kalamben anawu ajantenemuu li ko.

Kata Fílib 1:11

Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.

Kata Fílib 1:9

Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak,

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

2 Tímote 2:1

Awu ammuu añoolom, kama uwankulenoolo li kájiyaku kan úbajumaalumuu li hujokoolahu hoololaal li Yéesu Kilisita.

Eébulo 12:28

Emmuu jáyiiyaju jan ubajaalumuu jiyilaat jílilliŋoo, kama útukaal kájiyaku unku lit. Li kájiyaku unku lommuu ukaanaal boot li Ateemit bulok básuumool, li kaluuken ban li ekole ló.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

Búhiisenumabu 3:17

Mata loonesoon: “Likankaan usaanum, ínje an abaje, ban igayut wahoowah.” Ban uhaasut oon awu asukateen, li úyiyeni ban li ugay, lí úfuum ban ukokowut!