2 Samuel 19:24 - Kaxinawá Bíblia (BR) hanua Mefibosete Saulũ bababiakẽ hawẽ bake keskakiri shinãmisbu hari hatubetã ana beyawakĩ itanũ ika kariai, Davi pashai taekainaitiã Mefibosete Daviwẽ nuihairai hatiã ana hawẽ yura hatu mekemama hawẽ tae ana txukisma inũ, hawẽ keshni ana aisma inũ, hawẽ tari ana hatu patsamaisma Davi unanuma txĩtũkiranaya hawẽ yura hawẽruama |
haska wabu nĩkatã maĩ daka benikaini ka hawẽ tari detsis pekatã nashi petã tari bena sawetã sheni inĩtiwẽ txa ikeaketã Deuski nukuti tari hiwe pũtea anu kashũ tari hiwe bebũ hemaĩtĩ dãti iki beti ishũ Senhor Deus kẽwãbai txipu benikaini hawẽ hiwe anu kashũ hatu piti yuka beshuãbu pikĩ nushukĩ yaniwaya
Olivas Mati anu hawenabube kai Davĩ hawẽ bitxi tae pekatã mapekei huĩti nishma kashai tariwẽ mayabukua kaya hanua habe buaiburi mapekeriai tariwẽ mayabukuria huĩti nishmari kashariakubainaibũ
Davĩ ana yukakĩ: —Hania, mĩ shanẽ ibu Saul ipaunitũ baba Mefiboseterã?— aka Zibã kemakĩ yuikĩ: —Haska hawẽ hutxi Saul shanẽ ibukũkaini keska Israelĩ enabu dasibibũ shanẽ ibu wakĩ ana katutirubuwẽ taea shinaĩ ẽ tsuma Mefibosete Jerusalém anu bashikuyushuki— aka
kemakĩ shanẽ ibu yuikĩ: —Dasibi mĩ shanẽ ibuhairatũ ea yunua ẽ mĩ dayaruwẽ taeshũ ẽ ashũkubaĩshanaii— aka hanushũ shanẽ ibuhairatũ huni bake keska Mefibosetẽ Davibetã pikubainikiaki, hawẽ tapu anushunã.
Hanua huni betsã ea haska wani uĩwẽ. Benjamimnẽ enabu betsa Baurim anu hiweni hawẽ kena Gerã huni bake Simei nenu Jerusalém anu mibe hiweaki. Absalão shanẽ ibuaitiã pashai Maanaim anu ẽ kaya ea txakabuhairawakĩ ea yupukubaĩyamaki. Absalão enabu, enabũ hatu maemaimakẽ nũ ana txĩtũkiranaya Hene Jordão anu eki nukukĩ ea ikashũ ea daewakĩ ẽ Simei tenãyamanũ ea yuka Senhor Deusũ ea nĩkaya ẽ habe yubakayamaki.
—Minabu anu ẽ hatu anu butukatsi ikai ikis inũ meshukiri hau penũbũ hatu yuiwe. Usha dabetã dasibibũ uiaĩbũ Mati Sinai anu ẽ butushanaiwẽ taeshũ nashikĩ hatũ tari patsakĩ pewatã hau ea manashanũbũwẽ.
—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.
Ha inũ, tsuara huĩti benimai xinã txãkaĩbube habiaskariai hatuberi benimai xinã txãkãkubaĩkãwẽ. Ha inũ, tsuara bika teneai huĩti nixma punu nukakẽ habiaskari habetã xinãriakubaĩkãwẽ.
Ha inũ, Jesus ikũwaĩbuwẽ taeshũ bitxiti hiwe anu hatu bitxiabu hatuwẽ petxiama hatuwẽ nuikĩ matu habe bitxiabu keska xinãkĩ hatu merabewakubaĩshãkãwẽ, haskai nuitapaibu unãkinã. Ha inũ, hatu itxakawaibuwẽ nuikĩ hatu merabewakãwẽ, habiaskari matu waibu mã metiru xinãkinã.