Amu kinamgei ak Jehovah, ma masta eng’ kasubetab Jehovah, ago kirib ng’atutikyik, che king’at Jehovah Musa.
JOSHUA 23:8 - BUKUIT NE TILIL ago onamge ak Jehovah Kamuktaindeng’wong’, ko u ye kioyai agoi ra. Bukuit Ne Tilil Ago onamge ak Kamuktaindet ne Toroor Kamuktaindeng'wong' ko uu ye ki oyai agoi ra. BUKUIT NE TILIIL Sireet ne Dutero Kanon Ago onamge ak Kamuktaindet ne Toroor Kamuktaindeng'wong' ko uu ye ki oyai agoi ra. |
Amu kinamgei ak Jehovah, ma masta eng’ kasubetab Jehovah, ago kirib ng’atutikyik, che king’at Jehovah Musa.
ak kingoit inendet, ak kogeer mieindab Jehovah, kobaibait; ak kogiil ichek tugul konamgei ak Kiptaiyat eng’ mugulelwek che bekyinotin:
Iywei anyun Jehovah Kamuktaindeng’ung’; boisiechi inendet; onamgei ak inendet, ak iyosie eng’ kainennyi.
Amu ngorib eng’ kagiiletab ge ng’atutioni komugul kaang’atak rani, oyai; ocham Jehovah Kamuktaindeng’wong’, obendate ortinwekyik tugul, ak onamge ak inendet;
Obendate osub Jehovah Kamuktaindeng’wong’, oiywei inendet, ak orib ng’atutikyik, ak ogas it kutinnyi, oboisiechi ak onamge ak inendet.
Ak kibarei maotiondonoto anan karuotitoindonoto; amu kimwa kit ne ibeeti bik kobagakta Jehovah Kamuktaindeng’wong’, ne kiimutwok omong’une emetab Misri, ne kiitiachin eng’ gotab otwognatet, kole komaasin eng’ oret ne king’atin Jehovah Kamuktaindeng’wong’ iwendote. Iste anyun ko u noto yaitiet eng’ kwenung’ung’.
Ago okwek che kionamgei ak Jehovah Kamuktaindeng’wong’ kosobei ra age tugul eng’ okwek.
Ko u bororiosiek che ng’emei Jehovah eng’ taing’wong’, olustosi ak okwek ko u noto; amu kima ocham ogas kutitab Jehovah Kamuktaindeng’wong’.
Ago oripge mising’ oyai kayomisutiet ak ng’atutiet, che king’atak Musa otwogindetab Jehovah, ocham Jehovah Kamuktaindeng’wong’, ak obendate ortinwekyik tugul ak orib ng’atutikyik, ak onamge ak inendet ak oot inendet eng’ mugulelwekwok tugul ak sobonwekwok tugul.
si mobe kwenutab bororiosiechu, chuto kong’et eng’ kwenung’wong’; anan omwa kainaikab kanamonikwak, anan oyosie eng’ ichek, anan oot, anan ogutung’ji:
Amu kigoon Jehovah eng’ taing’wong’ bororiosiek che eechen ak ko kimen: ago ma biit chi ne kitonon eng’ taing’wong’ agoi ra.