တမန်တော်ဝတ္ထု 5:36 - ခေတ်သစ်မြန်မာ သမ္မာကျမ်း ယခင်ကလည်း သုဒအမည်ရှိသောသူသည် မိမိကိုယ်မိမိကြီးမြတ်သူတစ်ဦးဖြစ်သည်ဟု ပြောဆိုသဖြင့် လူလေးရာခန့်သည် သူ၏နောက်သို့လိုက်ကြ၏။ သို့သော်လည်း ထိုသူသည် အသတ်ခံရပြီးနောက် သူ၏နောက်လိုက်များသည် လူစုကွဲ၍ ပျောက်ကွယ်သွားကြ၏။ Common Language Bible လွန်ခဲ့သောနှစ်အနည်းငယ်ကသုဒဆိုသူ သည် မိမိကိုယ်ကိုခေါင်းဆောင်ကြီးတစ်ဦးဟု ဆိုကာပေါ်ပေါက်ခဲ့၏။ သူသည်နောက်လိုက်လူ လေးရာခန့်ရရှိခဲ့၏။ သို့ရာတွင်သူအသတ် ခံရပြီးနောက် သူ၏နောက်လိုက်များသည်တစ် ကွဲတစ်ပြားဖြစ်လျက် သူဦးဆောင်ခဲ့သော လှုပ်ရှားမှုသည်လည်းပျောက်ပျက်သွား၏။- Garrad Bible လွန် ခဲ့ သော ကာ လ တွင် သု ဒ ဆို သူ သည် ကိုယ် ကို ထူး ခြား သည် ဟု ဂုဏ် တင် လျက် ပေါ် လာ ရာ လူ လေး ရာ ခန့် ပါ ဝင် သော် လည်း ကိုယ် တိုင် ကွပ် မျက် ခံ ရ၍ လိုက် နာ သူ ရှိ သ မျှ တို့ ကွဲ ပြား ပျောက် လွင့် ကြ၏။ Judson Bible အကြောင်းမူကား၊ အထက်က သုဒအမည်ရှိသော သူတစ်ယောက်သည် ထသဖြင့်၊ ငါသည် လူသာမညမဟုတ်ဟု ဆိုသည်ဖြစ်၍၊ သူ၌ လူလေးရာမျှလောက် ဆည်းကပ်ကြ၏။ ထိုသူသည် ပျက်စီးခြင်းသို့ရောက်၍ သူ့ကိုယုံကြည်သမျှသော သူတို့သည် ကွဲပြား ပျောက်ပျက်ကြ၏။- မြန်မာ့စံမီသမ္မာကျမ်း အကြောင်းမူကား တစ်ခါက သုဒသည်ပေါ်လာ၍ မိမိကိုယ်ကိုအရေးပါသူဖြစ်သည်ဟုဆိုသဖြင့် အရေအတွက်အားဖြင့် လေးရာခန့်ရှိသောသူတို့သည် သူ့နောက်သို့လိုက်ခဲ့ကြ၏။ သို့သော် သူသည် အသတ်ခံရပြီး သူ့နောက်သို့လိုက်သောသူအားလုံးတို့သည် တကွဲတပြားဖြစ်ကြလျက် မည်သို့မျှအရာမထင်ခဲ့ချေ။ |
အဘယ်ကြောင့်ဆိုသော် ခရစ်တော်အတုအယောင်များနှင့် ပရောဖက် အတုအယောင်များ ပေါ်လာလိမ့်မည်ဖြစ်သောကြောင့်ပင်။ ထိုသူတို့သည် ဖြစ်နိုင်လျှင် ဘုရားသခင်ရွေးချယ်ထားသောသူများကိုပင် လှည့်ဖြားရန် နိမိတ်လက္ခဏာကြီးများနှင့် အံ့ဖွယ်ဖြစ်ရပ်များကို ပြကြလိမ့်မည်။
ထို့ကြောင့် တစ်စုံတစ်ဦးက သင်တို့ကို ‘ကြည့်လော့။ ခရစ်တော်သည် တောကန္တာရတွင် ရှိသည်’ ဟု ဆိုလျှင်လည်း သွားမကြည့်ကြနှင့်။ ‘ကြည့်လော့။ ဤနေရာ၌ ပုန်းနေသည်’ ဟု ဆိုလျှင်လည်း မယုံကြနှင့်။
အဘယ်ကြောင့်ဆိုသော် လူများစွာတို့က ‘ငါသည် ခရစ်တော်ဖြစ်၏’ ဟု ငါ့အယောင်ဆောင်လျက် ရောက်လာကြလိမ့်မည်။ လူများစွာကိုလည်း လှည့်ဖြားကြလိမ့်မည်။
မကြာသေးမီက ပုန်ကန်ထကြွလျက် သူပုန်လေးထောင်တို့အား တောကန္တာရထဲသို့ ခေါ်ဆောင်သွားသည့် အီဂျစ်လူမျိုးသည် သင်မဟုတ်လော” ဟု ပြန်မေး၏။
ထို့နောက် သူက “အို အစ္စရေးအမျိုးသားတို့… ဤသူတို့အား မည်သို့ ပြုရမည်ကို သတိပြုဆင်ခြင်ကြလော့။
ထိုမြို့တွင် ရှိမုန်ဟု ခေါ်သောသူတစ်ဦးရှိ၏။ သူသည် ယခင်ကပင် မှော်ပညာကို ပြသ၍ ရှမာရိလူမျိုးများအား အံ့အားသင့်စေကာ မိမိသည် ကြီးမြတ်သူတစ်ဦးဖြစ်သည်ဟု ကြွားဝါလျက်ရှိ၏။
ထိုခေါင်းဆောင်များသည် ယခင်က မည်ကဲ့သို့သောသူပင် ဖြစ်ခဲ့ပါစေ ကျွန်ုပ်အတွက် အရေးမကြီးပေ။ ဘုရားသခင်သည် မျက်နှာလိုက်တော်မမူတတ်။ ထိုသူတို့သည် ကျွန်ုပ်၏ ဟောပြောခြင်းအပေါ် မည်သည့်အရာမျှ မဖြည့်စွက်ခဲ့ကြပေ။
တစ်စုံတစ်ယောက်သည် အရေးပါသူမဟုတ်ပါလျက်နှင့် မိမိကိုယ်ကိုယ်အရေးပါသူဟု ထင်မှတ်လျှင် သူသည် မိမိကိုယ်ကိုယ် လှည့်စားသောသူ ဖြစ်၏။
အဘယ်ကြောင့်ဆိုသော် သူတို့သည် အကျိုးမဲ့ ချဲ့ကားကြွားဝါပြောဆိုလျက် မှားယွင်းစွာ ပြုမူနေထိုင်ကြသူတို့ထဲမှ လွတ်မြောက်ခါစဖြစ်သော သူများကို လူ့ဗီဇစိတ်၏တပ်မက်မှုများနှင် ကိလေသာလွန်ကြူးခြင်းတို့ဖြင့် ဆွဲဆောင်ကြသောကြောင့်ဖြစ်၏။
လူများစွာတို့သည် ထိုသူတို့၏ ကိလေသာလွန်ကြူးခြင်းလမ်းစဉ်နောက်သို့ လိုက်ကြလိမ့်မည်။ ထိုဆရာအတုအယောင်များကြောင့် သမ္မာတရားလမ်းသည် စော်ကားပြောဆိုခံရလိမ့်မည်။
ထိုသူတို့သည် ညည်းညူတတ်သူ၊ အပြစ်တင်တတ်သူ၊ မိမိတို့၏ တပ်မက်မှုအတိုင်း ပြုမူတတ်သူ၊ ချဲ့ကားကြွားဝါပြောတတ်သူ၊ ကိုယ်ကျိုးအတွက် သူတစ်ပါးကို မြှောက်ပင့်တတ်သူတို့ဖြစ်ကြ၏။
ထို့နောက် ကျွန်ုပ်အပေါ် ဝိညာဉ်တော်သက်ရောက်လာသဖြင့် ကောင်းကင်တမန်သည် ကျွန်ုပ်ကို တောကန္တာရသို့ ခေါ်ဆောင်သွား၏။ ထိုနေရာ၌ အနီရောင်သားရဲပေါ်တွင် ထိုင်နေသည့် အမျိုးသမီးတစ်ဦးကို မြင်ရ၏။ ထိုသားရဲတွင် ခေါင်းခုနစ်လုံးနှင့် ဦးချိုဆယ်ချောင်း ပါရှိပြီး တစ်ကိုယ်လုံး၌လည်း ဘုရားသခင်အား စော်ကားသောအမည်များကို အပြည့်ရေးထား၏။
သူ၏နဖူးပေါ်၌ “ပြည့်တန်ဆာတို့နှင့် ကမ္ဘာလောကရှိ စက်ဆုပ်ရွံရှာဖွယ်ရာတို့၏ မိခင်၊ ဘေဘီလုံမြို့ကြီး” ဟူသော လျှို့ဝှက်နက်နဲသည့်အမည်ကို ရေးထား၏။