መዝሙር 136 - አዲሱ መደበኛ ትርጒም

መዝሙር 136

¹ እግዚአብሔርን አመስግኑ፤ ቸር ነውና፤ ምሕረቱ ለዘላለም ነውና።

² የአማልክትን አምላክ አመስግኑ፤ ምሕረቱ ለዘላለም ነውና።

³ የጌቶችን ጌታ አመስግኑ፤ ምሕረቱ ለዘላለም ነውና።

⁴ እርሱ ብቻውን ታላላቅ ታምራትን የሚያደርግ፤ ምሕረቱ ለዘላለም ነውና።

⁵ ሰማያትን በብልኀት የሠራ፤ ምሕረቱ ለዘላለም ነውና።

⁶ ምድርን በውሃ ላይ የዘረጋ፤ ምሕረቱ ለዘላለም ነውና።

⁷ ታላላቅ ብርሃናትን የሠራ፤ ምሕረቱ ለዘላለም ነውና።

⁸ ፀሓይ በቀን እንዲሠለጥን ያደረገ፤ ምሕረቱ ለዘላለም ነውና።

⁹ ጨረቃና ከዋክብት በሌሊት እንዲሠለጥኑ ያደረገ፤ ምሕረቱ ለዘላለም ነውና።

¹⁰ የግብጽን በኵር የመታ፤ ምሕረቱ ለዘላለም ነውና።

¹¹ እስራኤልን ከመካከላቸው ያወጣ፤ ምሕረቱ ለዘላለም ነውና፤

¹² በኀያል እጅና በተዘረጋች ክንድ ይህን ያደረገ፤ ምሕረቱ ለዘላለም ነውና።

¹³ ቀይ ባሕር ለሁለት የከፈለ፤ ምሕረቱ ለዘላለም ነውና።

¹⁴ እስራኤልን በመካከሉ ያሳለፈ፤ ምሕረቱ ለዘላለም ነውና።

¹⁵ ፈርዖንንና ሰራዊቱን በቀይ ባሕር ያሰጠመ፤ ምሕረቱ ለዘላለም ነውና።

¹⁶ ሕዝቡን በምድረ በዳ የመራ፤ ምሕረቱ ለዘላለም ነውና።

¹⁷ ታላላቅ ነገሥታትን የመታ፤ ምሕረቱ ለዘላለም ነውና።

¹⁸ ኀያላን ነገሥታትን የገደለ፤ ምሕረቱ ለዘላለም ነውና።

¹⁹ የአሞራውያንን ንጉሥ ሴዎንን የገደለ፤ ምሕረቱ ለዘላለም ነውና።

²⁰ የባሳንን ንጉሥ ዐግን የገደለ፤ ምሕረቱ ለዘላለም ነውና።

²¹ ምድራቸውን ርስት አድርጎ የሰጠ፤ ምሕረቱ ለዘላለም ነውና።

²² ለባሪያው ለእስራኤል ርስት አድርጎ የሰጠ፤ ምሕረቱ ለዘላለም ነውና።

²³ በውርደታችን ጊዜ ያሰበን፤ ምሕረቱ ለዘላለም ነውና።

²⁴ ከጠላቶቻችን እጅ ያዳነን፤ ምሕረቱ ለዘላለም ነውና።

²⁵ ለፍጡር ሁሉ ምግብን የሚሰጥ፤ ምሕረቱ ለዘላለም ነውና።

²⁶ የሰማይን አምላክ አመስግኑ፤ ምሕረቱ ለዘላለም ነውና።