መዝሙር 119:173 - መጽሐፍ ቅዱስ - (ካቶሊካዊ እትም - ኤማሁስ)

¹⁷³ ትእዛዛትህን መርጫለሁና እጅህ የሚያድነኝ ይሁን።

አዲሱ መደበኛ ትርጒም

¹⁷³ ትእዛዝህን መርጫለሁና፣ እጅህ እኔን ለመርዳት ዝግጁ ይሁን።

አማርኛ አዲሱ መደበኛ ትርጉም

¹⁷³ ትእዛዞችህን ስለ መረጥኩ፥ እኔን ለመርዳት ዘወትር ዝግጁ ሁን።

መዝሙር 119:173 ተሻማሚ ማመሳሰሪያዎች

ኢያሱ 24:22

ኢያሱም ሕዝቡን እንዲህ አላቸው፦ “እንድታገለግሉት እናንተ ጌታን እንደ መረጣችሁ በራሳችሁ ላይ ምስክሮች ናችሁ፤” እነርሱም፦ “ምስክሮች ነን” አሉ።

ሉቃስ 10:42

የሚያስፈልገው ግን አንድ ነገር ብቻ ነው፤ ማርያምም መልካሙን ድርሻ መርጣለች፤ ከእርሷም አይወሰድባትም።”

ዘዳግም 30:19

ሕይወትንና ሞትን፥ በረከትንና መርገምን በፊትህ እንዳስቀመጥሁ ዛሬ ሰማይንና ምድርን ምስክር አድርጌ እጠራብሃለሁ። እንግዲህ አንተና ልጆችህ በሕይወት እንድትኖሩ ሕይወትን ምረጥ።

ፊልጵስዩስ 4:13

ኃይልን በሚሰጠኝ በክርስቶስ ሁሉን ነገር ማድረግ እችላለሁ።

2 ቆሮንቶስ 12:9

እርሱ ግን፥ “ጸጋዬ ይበቃሃል፤ ኀይሌ በድካም ፍጹም ይሆናል” አለኝ። እንግዲህ የክርስቶስ ኃይል እንዲያድርብኝ በበለጠ ደስታ በድካሜ መመካትን እወዳለሁ።

ማርቆስ 9:24

ወዲያውኑ የልጁ አባት፥ “አምናለሁ፤ አለማመኔን አይተህ እርዳኝ” በማለት ጮኸ።

ምሳሌ 1:29

እውቀትን ጠልተዋልና፥ ጌታንም መፍራት አልመረጡምና፥

መዝሙር 119:117

እርዳኝ እድናለሁም፥ ሁልጊዜም ሥርዓትህን እመረምራለሁ።

መዝሙር 119:111

የልቤ ደስታ ነውና ምስክርህን ለዘለዓለም ወረስሁ።

መዝሙር 119:94

እኔ የአንተ ነኝ፥ ፍርድህን ፈልጌአለሁና አድነኝ።

መዝሙር 119:40

እነሆ፥ ትእዛዝህን ናፈቅሁ፥ በጽድቅህ ሕያው አድርገኝ።

መዝሙር 119:35

እርሷን ወድጃለሁና የትእዛዝህን መንገድ ምራኝ።

መዝሙር 119:30

የእውነትህን መንገድ መረጥሁ፥ ፍርድህንም አልረሳሁም።

መዝሙር 37:24

ቢወድቅም አይጣልም፥ ጌታ እጁን ይዞ ይደግፈዋልና።

ኢያሱ 24:15

ጌታንም ማገልገል ክፉ መስሎ ቢታያችሁ፥ አባቶቻችሁ በወንዝ ማዶ ሳሉ ያገለገሉአቸውን አማልክት ወይም በምድራቸው የተቀመጣችሁባቸውን የአሞራውያንን አማልክት ታገለግሉ እንደሆነ፥ የምታገለግሉትን ዛሬ ምረጡ። እኔና ቤቴ ግን ጌታን እናገለግላለን።”

1 ዜና መዋዕል 4:10

ያቤጽም፦ “እባክህ፥ መባረክን ባርከኝ፥ አገሬንም አስፋው፤ እጅህም ከእኔ ጋር ይሁን፤ እንዳይጎዳኝም ከክፋት ጠብቀኝ” ብሎ የእስራኤልን አምላክ ጠራ፤ እግዚአብሔርም የለመነውን ሰጠው።