Yesaya 1 - Ziazia kekeapai

Pa rikaaboro ingapai

¹ Gu yuguyugupai Yesaya abi nangia wiri Amosa, tipa pa Yuda na pa Yerusarema, ti rago aUziya, na ti rago Yotama, na ti rago Aza, na ti rago Izikiya, nangia abakindo aYudo

² Ako angbangbaturũ oni gi he, Ako kpotosende oni dege turoni; bambiko Yekova agumba pai: “Mi Yekova ambuti agude, ki sonosi yo, i ki sa mungu kuti re

³ Babagara ini bairaru, badongi ini ga bairaru banga anya; ono aYisaraere ama nga pai te, gimi aboro aberã nga pai te.”

⁴ Ako rikaaboro ingapai, nga agu aboro du na tindiro irairapai ri yo, nga awiri ngbatunga amangi gbigbitapai, nga awiri aboro namanga pai ni wasiwasi he! I ambu Yekova, i apayasi ga aYisaraere Ziazia Ko, i akpara tiyo ti ko ki ga ku sa yo.

⁵ Tipagine oni ka du ti ni ni rungosirungosi roni kindi, ya oni sa mungu ki susi asusa? Rironi dunduko du na kaza, kpotoroni yo dunduko narungbura.

⁶ Tona kpanduroni yo ki da ku rironi yo, a nga wene kpotose nga ha wa sa te, kina aoro, na bibobibo kere aoro, naga na kina kure; si awi nga te, i avoda nga ha a te, i azeresa nga ha na nzeme a te.

⁷ Gaoni ringara du ni vurubate, i zokodi gaoni abaakporo; kungba aboro nadia gaoni ringara kina ku bangironi; si ni vurubate, wa gbarasi kungba aboro ho

⁸ I mbu aboro Siona wa bandawiri ati bakakue yo, wa bambu ati koforo yo, wa gu bakporo ru yo nguru pati he.

⁹ Ka kina Yekova nga ga arimbasa ko ambu nga tungarani ni umba ha fu rani ya, ka ani adu wa Sodomo, i ki mangi rani wa Amora.

Pa yamba aboro sa ndikidi sabera

¹⁰ Oni nga abazogo Sodomo, oni gi sangba Yekova! Oni nga aboro Amora, oni yé turoni sa gu rugute nga ga gaam Mbori!

¹¹ “Gaoni dungu amotumo fu oni fere, si tipa gini he? wo poi Yekova; Zozo amotumo nga abaakandoro ima rengba bangire, na gu nzeme nga ga rigirigi anya; rago angba nga ti re mbiko kure abaabagara, na ga win akandoro, na ga a baameme te.

¹² “Ho oni ka niye ni ku bara bangire, da nikamidi gi pai fu roni re nga oni simbi gi vurukporo?

¹³ Ka oni ye nga na kungba gamunihe berewe ya; fuõngua ki du bangire ni kere gbegberẽ he Pumbo fogo diwi na arago sabiti na yamba adunguratise mi aida nga na ni te, si nga irairapai na irisiirisi gbuu.

¹⁴ Mbisimore nasoga gaoni pumbo fogo adiwi na gaoni siasia apumbo; si sa tihe wa tindiro fere, mi nambu be tinda ha

¹⁵ Ho oni ka mtaĩ beroni ni, mi aoka bangire be roni; ii, ho oni ka nikpari kpe ni ni dungu he, mi aye nga ture sa ni te; beroni yo hi be kure

¹⁶ Oni zundu tironi; ki ginsi tironi, oni moi gu gbigbitapai nga ga gaoni mangapai ku sa yo ti bangire; oni mbú manga gbigbitapai,

¹⁷ oni wiriki pa manga wenepai: oni gbáta ruru sarangbanga; oni zéresi agu yo i narungosi yo; oni bánda pa awirinyaure, ki zungadi he tipa ga adekurugbo apai.

¹⁸ “Oni yé awere, ani mongo saki pai na oni, wo poi Yekova: ka gaoni ingapai vura du ni zamba ha vurũ, si adú adu kpau wa morogumba; ka si vura zama ititi, si adú adu wa zau remu

¹⁹ Ka oni adú zaza ki gi sangbare, oni arí gu wene zuzuahe nga ga kpotosende;

²⁰ Ono ka oni aka ki sa mungu, basape anta roni; bambiko ngba Yekova nagumba ha.”

Pa sarangbanga na tumori tipa Siona

²¹ Waĩ sa bakporo rengo tihe ni debari, nga gu naadu na ruru sarangbanga rogo ho! Yo rurupai anaraka ni, ono awere kina abaimiaboro du yo

²² Ga feda ki sa tihe ni mirĩ marã, ga imekakue ki du ni kodikodi he na ime

²³ Gamo abazogo nga asamungu ki du ni abadia airadi a. I dunduko nakpi nyemu marã mobinmo ki nipeke fuo mosoro, I abanda nga pa awirinyaure te, ga adekurugbo pai adu nga bangiriyo a te.

²⁴ Si du Gbia naya ti ni, nga Yekova nga ga arimbasa ko, nga gu Ko du na tandu apai du nga ga aYisaraere ko: “Eke, mi azeresa gi zinga ti akitingbangare, ki iri bape re ti agu yo nafuda re.

²⁵ Mi amáa bere ku ri ro, ki ginsi mirĩ mará ti ro ku sa yo sirisiri, ki rogo ga kungba singi ku sa yo.

²⁶ Mi agasa gamo abasapungbanga i du wa i adu mbata, na gamo abororondo i du a wa i adu ti tonatona rago Fuo ho i ayamba ro bakporo rurupai, nga bakporo rengo”

²⁷ I atumo Siona ni ruru sarangbanga, na agu yo dũ ka asa gayo berã, ni rurupai.

²⁸ Ono i agbárasa atindika wa sa na aboro ingapai, i anyása agu yo nambu Yekova

²⁹ Zee amanga roni tipa agu angua du wa gero nga gu ngba ti roni gbe; i amúngosi roni mbiko agu aati oni naasia ha.

³⁰ Bambiko oni adu wa gu ngua du wa gero kpehe nanyokora, wa gu ati adu nga ime rogo ho ya.

³¹ Iranyaka adu wa sisi gire, gani sunge adu wa nzerewe, si amongo ni gbi wa sa, boro adú nga ho nikabisa ha te.