Hebrews 1 - Yupik Bible

Agayutem Qalarucillra Qetunramikun

¹ Ayuqenrilngurteggun imumirpak ciuliaput Agayutem qalarutellrui prophet-aatgun,

² tau͡gaam maa-i kinguqvani qalarutaakut Qetunramikun. Ellii elkarcetellruamiu ca tamalkuan paitaqesqelluku, nunarpak-llu piurcetellruaku elliikun.

³ Elliin ciqinqeraa Agayutem ucurnarqucia, ayuquciq'apiaraa-llu aturaa, ellarpak-llu nayumiqaluku qanellmi piniakun. Assiilnguut eruutekaatnek qaqicimariami ucurnarqutem tallirpianun aqumuq quyinermi.

⁴ An'gilani piunrurrluni atrita-llu piunratnek at'ngami.

Qetunram Angenrucia An'gilani

⁵ An'gilat naliatnun Agayun qanellrua, “Qetunraqamken, ernerpak yuurcetamken?” Wall'u cali, “Atakeciqaanga, wii-llu Qetunraqciqaqa?”

⁶ Cali-llu yuurteqarraalleq tauna nunamun tekiucamiu, qanrutkaa, “Agayutem an'gilain tamarmeng ciktaarviklitgu.”

⁷ An'gilat tau͡gaam qanrutkai waten, “An'gilani elkartai anuqetun anerneruluki, kevgani-llu elkartai kenruluki.”

⁸ Qetunrani tau͡gaam qanrutkaa waten, “Atanruviin, Agayutmaa, piugarkauguq akwarpak akwanun angayuqauvigpet scepter-aara ellualriaruuq.

⁹ Elluaryaraq kenkellruan assiilnguq-llu uumikluku; tamana pitekluku Agayutem, Agayutvet, mingullruaten angniutem minguanek ilaten anagvagluki.”

¹⁰ Waten-llu, “Ataneq elpet, nuna piurcetan ayagnillrani, qiliit-llu unatvet piliaqait.

¹¹ Taukut piunrirciqut, elpet tau͡gaam piugarkauguten; ak'allaurciiqut aturatun.

¹² Ulikutatun imegciqaten, cimiumaarkaugut-llu. Tau͡gaam elpet cimiyuituten, allrakuten-llu nangengaitut.”

¹³ Tua-i-llu an'gilat naliitnun qanellrua waten, “Tallirpima tungiinun aqumi inglukestevvet it'gavnun tutmaumavkallerkamnun.”

¹⁴ Kevgiulriarunritut-qaa anernerit ayagcecimaluteng caliaqesqelluki anirtuumaarkat?