Salmos 1 - Ja yab'al ja Dyosi

Ja sb'ajtanil ju'uni ( Sal 1—41 ) SALMO 1 Slekil, sok sch'ayelal

¹ Jel lek wax ilji yuj ja Dyos ja ma' mi smakla lo'il b'a mey sb'eji, jach'ni ja ma' mi smojan sb'aj sok ja ma'tik mi lekuk ja jas wa sk'u'lani, cho jach'ni ja ma' mi stsomo sb'aj sok ja ma'tik mi skisa ja Dyosi.

² Jel lek wax ilji yuj ja Dyos ja ma' wa sk'u'an ja yab'ali, cho jach'ni ja ma tsamal wa sneb'a k'ak'u a'kwali.

³ Oj slaj jastal ja te' ts'unub'al, b'a sti' uk'um jumasa: Wax k'ot jun k'ak'u wax satini ja spo'wil jumasa mix moki —Spetsanil ja jas wa sk'u'lane'i, lekni wax elk'ota—

⁴ Mi jach' wa sk'u'lan sok ja ma' mi lek ja jas wa sk'u'lane'i; —Ja ye'nle'i, ja lajane sok ja ts'i'lel wax ju'ji el yuj ja ik'i—

⁵ Yajni wax k'elji ja smule'i, mi jas oj koltajuke yuj; —Ja mulanum jumasa jawi, mi oj ochuk b'a wa stsomo sb'aj ja ma' toj ayi—.

⁶ Ja smeranili, Dyosni, wa stalna ja ma' toj aya', jaxa ma mi lek ja jas was k'ulani, sch'ayelalni wajume'a.