Rut 1 - Ja yab'al ja Dyosi

Ja Elimelek sok ja swinkil snaji, wajye b'a Moab

^1-2 Jach' ek' ja k'ak'u jumasa, ja yajni mito ay mandaranum jumasa wa'ne a'tel b'a schonab'il ja israelenio. Ja kristyano jumasa ek'um b'ej ita ay ja ma wax koltajiye yuji, ja k'ak'u jumasa jawi, mi ajyi ja sb'aje sok mi sta'a jas oj yabye. Ja'yuj, jun nanal tatal sok yuntikil sb'a chonab' Belen, sb'a Juda. Ti waj kulan b'a chonab' Moab, yuja ay wa'el ja tiwi. Ja tatamali sb'i'ilan Elimelek, jaxa che'umali, sb'i'ilan Noemi, jaxa yuntikili, sb'i'ilane, Mahlon sok Quilion.

³ Yajni k'otye b'a Moabi, mi ek' jitsan k'ak'u cham ja Elimelek statam ja Noemi, kechan ye'n kan sok ja chab' yuntikili.

^4-5 Ek' ja k'ak'u jumasa jaxa Mahlon sok ja Quilion nupaniye sok ak'ixuk b'a chonab' jawi, june sb'i'il Orfa jaxa juni Rut. Ek' mojan lajune jab'il ti' cho chamye ja Mahlon sok ja Quilioni, ja'yuj ja Noemi kan stuch'il, mey yuntikil sok mey statam.

Ja Noemi sok ja Ruti, wajye b'a Belen

⁶ Jun k'ak'u ja Noemi, yab' yab'alil jelxa lek wa'ne iljel yuj ja Dyos ja israelenio jumasa, mixa ay wa'in ja b'a slugare'i.

⁷ Ja'yuj ja ye'n sok schab'il ja yalib' jumasa schapa sb'aje b'a oj wajuke b'a Juda.

⁸ Mito jel najatuk b'ejyel ti yala Ja Noemi: —Jel lek kumxanik sok wa moj alijelexi. Dyos oj stalnayex jach'ni jastal a k'u'lanex ki ja ke'n sok ja jastal a k'u'lanex yi ja chab' kuntikili.

⁹ Dyos wa sna'a ta oj ya nupananik pila majke, b'a jach' tsamal oj ajyanik ja we'nlexi. Yajni ojxa spil sb'aj ja Noemi, ti yujts'an schab'il ja yalib' jumasa, jaxa Orfa sok ja Ruti, kechan och ok'uke ti

¹⁰ och yalwe yab'a: —Ja ke'ntikoni mix k'ana oj jpil jb'ajtikon amok—. —A wa pabori oj wajkotikon a mok, cho ti oj ajyukotikon sok wa moj alijel jumasa, —xchiye—.

^11-13 Ti alji yabye yuj ja, Noemi: —Cho kal jumasa, kumxanik— ¿Jasyuj ja lom oj ja nochonexi? Mixa ay tuk kuntikil b'a oj nupananik sok. Cho ay xa k'ujol ja ojto nupanukon pilan majke'i. Cho a'nima la nupaniyon ja juts'in a'nima mi oj ek' tiempo oj kil sat kuntikil, ¿Yuj a ma ti'to oj ja majlayex ja we'nlex man oj k'i'uk b'a? —Miyuk cho kal jumasa, ja jachuki mi oj b'ob'uk. Ja ke'n jel tsats wa'non yi'jel ja wokol yuj ja we'nlexi, yuj ye'n ja Dyos ja mi lek wax yilawona.

¹⁴ Yajni yabye ja yalib' jumasa ja jastal iti, masto tsats och ok'uke. Ja b'i'ilal Orfa b'a hebreo, wa sk'ana yale, sutu kan wa patiki. Ja Orfa spila sb'aj sok ja yalib'i, jaxa Ruti ti kan sok ja yalib'i.

¹⁵ Jaxa Noemi, ti yal yab' ja Ruti: —Ja wa moj alib'ajeli, kumxita, wajta sta' ja smoj alijel jumasa, sok ja sdyose'i. Jachuk ja we'n cho k'u'lan jachuk—

¹⁶ Jaxa Ruti, Ja b'i'ilal Rut b'a hebreo wa sk'ana yale, kamiga ma jmoj. Ti yala'a: —Mok a wal k'ab' oj ka'a kani; mok a k'anki pabor oj jip a kani. B'a oj wajani, ti' oj wajkona, b'a oj ajyani, ti oj ajyukona. —Ja wa moj jumasa, ja' oj jmojuk, ja wa Dyosi, ja' oj Dyosuk.

¹⁷ B'a oj chaman ja we'n, ti oj chamkona, cho ti'ni oj mukjukon tiwa. —Dyos a yaj tup ta yuj k'a jipawa kani, —mini jas oj b'ob' spil'otika; —Cho mini ja chamel ch'akeli.

¹⁸ Mixa jas tuk yala ja Noemi, yab' lek sb'ej ja jas yala ja Rut yujni oj wajuka.

¹⁹ Ti'xa wajye lajana, man k'otye b'a Belen. Yajni k'otye'i, ti oche b'a yoj chonab'i, yajni yila ja kristyano jumasa, jel cham sk'ujole, sok ya'we k'e' jun niwan k'umal. Ja ixuke jumasa, ti yalawe'a: —K'elawilex mi ma ja'uk ja Noemi ja it b'a. Ja b'i'ilal Noemi b'a hebreo wa sk'ana yale chi'.

²⁰ Jaxa Noemi ti yala'a: —A' wa paborexi, mokxa a wal'ex yuj chi'on, jel lek alawik kajon yuj ja Dyos it jel ja yipi, jel niwan ja jwokol wa'n ya'jel ki'i.

²¹ Ja yora elyon b'a Beleni, naka ay ki'oj spetsanil; jaxa yajni kumxiyoni, jach' telan jk'ab' ya wajkon ja Dyosi. ¿Ja sb'ej ja ojto wal'ex chi'oni, ja Dyos it jel ja yipi, mixa lek wax yilawon sok jelxa ya'ta ki' ja wokoli?—

²² Jach' waj jastal it ja yajni kumxi ja Noemi b'a Moabi, ja'ni smoj ja yalib' Ruti. Ja yora k'otye b'a Beleni, ja stiempo lek ja tuluj sebada.