Mateo 1 - Ja yab'al ja Dyosi

Ja ma' ek' paxta yuj ja Jesusi

¹ Ja Jesusi, ja yintil ja David sok ja Abrahami. Spetsanil ja b'i'ilal jumasa iti, ja ma' b'ajtan yuji:

² Masan Abraham waj ch'ak man David, ja b'i'ilal jumasa iti, ja ma' ti' nochane'i: Abraham, Isaak, Jacob, Juda sok ja smoj alijel jumasa,

³ Fares sok ja Zerahi, (ja' snan ja Tamari), ja Hesron, sok ja Arami,

⁴ ja Aminadabi, ja Nahasoni, ja Salmoni,

⁵ ja Boozi, (ja' snan ja Rahabi), ja Obedi, (ja' snan ja Ruti), ja'ni ja Isaiji,

⁶ cho jach ni ja mandaranum Davidi. Man David sok man aji och ke yib' k'ab'al ja judio jumasa b'a Babilonia, ja ma' ek' paxta yujile'i, ja it jumasa: ja Davidi, ja Salomoni (ja' snan ja sche'um ja Uriasi),

⁷ ja Roboami, ja Abiasi, ja Asaji,

⁸ ja Josafati, Joram, Ozias,

⁹ Jotam, Acaz, Ezequias,

¹⁰ Manases, Amon, Josias,

¹¹ ja Joaquin sok ja smoj alijel jumasa.

¹² Man i'ji ye och yib' k'ab'al b'a Babilonia ja judio jumasa, man manxi ja Jesusi, ja ma' ek' paxta yujile'i, ja' it jumasa: Joaquin, Salatiel, Zorobabel,

¹³ Abihud, Eliaquim, Azor,

¹⁴ Sadok, Aquim, Eliud,

¹⁵ Eleazar, Matan, Jacob,

¹⁶ ja Jose statam ja Maria, snan ja Jesús it Mesias wax na'xi sb'aji.

¹⁷ Man Abraham man David ek' chan lajun (14) lame kristyano. Man David man och yib' k'ab'al ja judio jumasa b'a Babilonia, ek' pilan chan lajun (14) lame kristyano, man manxi ja Mesiasi, cho ek' pilan chan lajun (14) lame ja kristyano'i.

Manxi ja Jesusi

^18-20 Jach' manxi jastal it ja Jesús Mesiasi: Ja Maria snani, wa sna'a mojanxa oj nupanuk sok ja Jose. Jasa mitox nupaniye waj ab'xuk yab'alil tukxa ay satk'inal ja Maria. Ja Jose jel lek ja smodo, sok wa sk'u'an lek ja yab'al ja Dyosi. Ja'yuj, ch'ab'an ti' ab'al wa sk'ana oj sjip kan ajyi ja smakb'en ixuki. Yuj ja jach' wa'n ek'el sk'ujol oj sk'u'l ajyi, jun yanjel ja Dyosi, ti sje'a sb'aj b'a yoj swayich, ti alji yab'a: —Jose, mi lom la xiw ja oj nupanan sok ja Maria. Ja Espiritu Santo, ye'n ya tukb'uk satk'inal.

²¹ Yajnix manxi ja yal keremi, oj wa sb'i'iluk Jesús. Ye'n oj skolta ja yuntikil b'a mi oj a'ji yi'e wokol yuj ja smule jumasa—.

^22-25 Yajni ya' sb'aj ja Jose, sk'u'ani ja jas alji yab' yuj ja yanjel ja Dyosi, nupani sok ja Maria. Yuj ja mitox manxi ja yal alatsi, ja'yuj mini sta'a sb'aje b'a oj wayuke lajana. Yajni manxi ja yal kerem iti, ja Jose ya sb'i'iluk Jesús. Spetsanil jach' ek' jastal iti, ja b'a oj k'ot smeranil ja jas alji yab' ja aluman Dyos Isaias yuj ja Dyosi, ti yala'a: —Maklayik lek— jun ak'ix oj tukb'uk satk'inal, oj sman jun yalats, oj ya sb'i'iluk ja yal kerem jawi Emanuel—. Ja b'i'ilal iti, jach' wa sk'ana yal jastal iti: —Ja Dyosi, ti'ni ay jmoktika—.