Ester 10 - Ja yab'al ja Dyosi

Stik'anal

¹ Ja mandaranum Asuero wa stajb'a kontribusyon b'a spetsanil b'a wa'n a'teli, man b'a xe'ntiyaman takin lu'um b'a yoj ja'i.

² Ja jastal ts'ikwi ja a'teli, sok spetsanil ja jas sk'u'lan ja mandaranumi, sok ja jastal jel niwan ja a'tel ya' yi ja Mardoqueo ti kan ts'ijb'anub'al b'a ju'un b'a wax yala jas wax ek' yuj ja mandaranum jumasa b'a Persia sok b'a Medos.

³ Tsa'an ja judio Mardoqueo ye'n jel niwan ja ya'tel yuj ja mandaranum Asuero, spetsanil ja judio jumasa jel niwan wax yilawe sok jel wa syajtaye, yuj ja ye'n wa sle'a ja slekilal b'a spetsanil ja ye'nle'i, sok ye'n wa sle'a jastal laman oj ajyuk ja smoj jumasa.