Izililo 5 - Incwadi Yeziba̔lo Ezingcwele 1864 1902 (Xhosa Appleyard)

¹ KUMBULA, Yehova! oko sihlelwe kuko: kangela, ubone ihlazo letu.

² Ilifa letu libohlele kwabasemzini, nezindlu zetu kwabohlanga lumbi.

³ Sizinkedama, singenabawo; oma̔ betu banjengabahlolokazi.

⁴ Amanzi etu siyawasela ngemali; inkuni zetu zimelwa lixabiso.

⁵ Siyatshutshiswa pezu kwentamo zetu; siyazama, singenakupumla.

⁶ Ama‐Jipete siwanikele isandla, nama‐Asiriya, ukuba kuhlutiswe ngesonka.

⁷ Bonile obawo betu, abaseko; tina izikohlakalo zabo sizitwele.

⁸ Sipetwe zizicaka; akuko mntu okululayo ezandleni zazo.

⁹ Isonka setu siyasizuza ngobomi betu, ngenxa yeṙele lasentlango.

¹⁰ Intlonze yetu yaba mnyama njengeziko, ngenxa yolwopu lwendlala.

¹¹ Kwadlwengulwa abafazi e‐Ziyone, nentombi zipela ezixekweni zakwa‐Juda.

¹² Inkosana zixo̔nyiwe ngesandla sazo; abubekwanga ubuso babadala.

¹³ Kwatatyatwa amadodana ukuba asile, nabafana baku̔beka ngapantsi kwenkuni.

¹⁴ Abadala bapelile esangweni, namadodana ekuculeni kwabo.

¹⁵ Lupelile uvuyo lwentliziyo yetu; kuguqulwe ukududa kwetu kwaba kulila.

¹⁶ Siwile isitsaba sentloko yetu; hai ke usizi lwetu, ukuba sonile!

¹⁷ Ngenxa yoku intliziyo yetu icubukile; ngenxa yezizinto amehlo etu aluzizi.

¹⁸ Ngenxa yentaba ye‐Ziyone, ecitakeleyo; impungutye zihamba pezu kwayo.

¹⁹ Wena, Yehova! uhleli ngonapakade; iterone yako ikwisizukulwana ngesizukulwana.

²⁰ Kunganina ukuba umane usilibala futi, nokuba usishiye ixesha elide kangaka?

²¹ Sibuyisele kwa kuwe, Yehova! sasiya kubuya: twasisa imihla yetu njengokwakudala.

²² Ngokuba okunene ugqibele ukusilahla; usiqumbele ngokukulu.