Izililo 4 - Incwadi Yeziba̔lo Ezingcwele 1864 1902 (Xhosa Appleyard)

¹ HAI ukuba mncumevu kwegolide! ukuguqulwa kwegolide entle! ukucitwa kwamatye endawo eyingcwele encameni yezitarate zonke!

² Onyana abanqabileyo base‐Ziyone, belinganiseka negolide ecokisiweyo, banjanina ukubalwa ngokuba yimipanda yodongwe, umsebenzi wezandla zombumbi!

³ Kwa impungutye ziyanikela ibele, ziyanyisa amatole azo: intombi yabantu bam ibunqola, njengazo inciniba entlango.

⁴ Ulwimi lwosana luti nama ekuhlangubo lalo ngenxanwa: intsatshana ziyacela isonka; akuko ozabelayo.

⁵ Abo ababesidla izimnandi bayabuba ezitarateni: abo ababesondliwa pezu kwezinto ezibomvu bayasingata imfumba zenkunkuma.

⁶ Ngokuba ukwohlwayelwa kwenkohlakalo yentombi yabantu bam kukulu kokwesono se‐Sodome, eyabicitwa njengasepanyazweni, ingawelwa zizandla ke.

⁷ Abanaziri bayo bebegqitisile ingqweqwe ngokuba ngcwele, bebegqitisile ubisi ngokuba mhlope, bebebomvu pezu kwerubi umzimba wabo, isimilo sabo sasisesesafire.

⁸ Ukubonakala kwabo ngoku kubumnyama pezu kwoncwalazi, abaziwa ezitarateni; intlonze yabo iti nama ematanjeni abo; ishwabene, iba njengomti.

⁹ Banenyweba abo babuleweyo ngeṙele pezu kwababuleweyo ngendlala: ngokuba aba bebengcungcuteka, behlatyiwe, bengenayo imifuno yentsimi.

¹⁰ Izandla zabafazi abanezibele zipekile ababo abantwana; baba kukudla kwabo embujisweni yentombi yabantu bam.

¹¹ Uyehova ufezile ubuṙalaṙume bake; utulule ubushushu bengqumbo yake, wapembela e‐Ziyone umlilo, owadla imisekelo yayo.

¹² Ngebengakolwanga okumkani bomhlaba, nabo bonke abemi belizwe, ukuba bekuya kungena emasangweni e‐Yerusaleme impi notshaba.

¹³ Ngenxa yezono zabaprofite bayo, nezikohlakalo zabaperisite bayo, abalipalazileyo pakati kwayo igazi labalungileyo,

¹⁴ babadula njengemfama ezitarateni, badyojwa ngegazi, bada abantu bakohlwa ukucukumisa izivato zabo.

¹⁵ Bamemeza kubo, besiti: Sukani, nina banco̔lileyo! sukani, sukani, ningacukumisi! Ngenyaniso bayabaleka, bayabadula; kutwa pakati kwezizwe: Abasayi kuhlala kona.

¹⁶ Ubuso bukayehova bubahlulahlule; akasayi kubagqala; ubuso babaperisite ababubekanga; babengenalufefe kubo abadala.

¹⁷ Nxa sibe siseko, amehlo etu apelela uncedo olungendawo: ekulindeni kwetu salinda isizwe esasingenako ukusindisa.

¹⁸ Bazingela amanyatela etu, ukuba besingenakuhamba ezitarateni zetu: kwasondela ukupela kwetu, yabizalisekile imihla yetu; ngokwenene ukupela kwetu bekufikile.

¹⁹ Abasukeli betu badlula ngamendu inkozi zasezulwini; basiputuma kakulu ezintabeni, basilalela entlango.

²⁰ Umoya wempumlo zetu, umtanjiswa kayehova, wabanjiswa ezihogweni zabo; esabesisiti ngaye: Ngapantsi kwomtunzi wake sohlala pakati kwabaheyideni.

²¹ Gcoba uvuye, ntombi yase‐Edome, wena umiyo ezweni le‐Hutse! indebe yodlulela nakuwe; wonxila ke, wozihluba kanjako.

²² Kugqityiwe ukwohlwayelwa kwenkohlakalo yako, ntombi yase‐Ziyone! akayi kupinda akufuduse: inkohlakalo yako, ntombi yase‐Edome! woyohlwayela; izono zako wozityila.