Izililo 2 - Incwadi Yeziba̔lo Ezingcwele 1864 1902 (Xhosa Appleyard)

¹ HAI ukusibekelelwa kwentombi yase‐Ziyone yinkosi ngengqumbo yayo! ibute kahla kwa sezulwini kude kube semhlabeni ubuhle buka‐Sirayeli, ingakumbulanga ngesitulo senyawo zayo emhleni wengqumbo yayo.

² Inkosi izigqibile zonke intlalo zika‐Yakobi, ingabanga nanceba kuzo; ngomsindo wayo iziwisile inqaba zentombi ka‐Juda; izihlisele emhlabeni: inco̔lisile ubukumkani nenkosana zabo.

³ Izinqumlile ngobushushu bengqumbo yayo zonke impondo zika‐Sirayeli; ibuyisile esokunene isandla sayo ebusweni botshaba: utshisile kwa‐Yakobi njengomlilo odangazelayo, odlayo ngokungqonga.

⁴ Isipeta sayo isityedile njengotshaba; isixatisile isandla sayo sokunene njengoyimpi; yabulala bonke abanqwenelekayo kwiliso ententeni yentombi yase‐Ziyone: yatulula ubuṙalaṙume bayo njengomlilo.

⁵ Inkosi yaba njengotshaba; iyigqibile i‐Sirayeli: izigqibile zonke indlukazi zayo; izitshabalalisile inqaba zayo: kanjalo ikwandisile entombini ka‐Juda ukulila nosizi.

⁶ Ilucitile ubiyo lwayo, njengolwentsimi: itshabalalisile indawo yayo yokuhlangana: umtendeleko nesabata uyehova uzenzile zilityalwe e‐Ziyone, wabadela ngokuṙala kwengqumbo yake ukumkani nomperisite.

⁷ Inkosi ilahlile isibingelo sayo, itiyile indawo yayo eyingcwele; izinikele esandleni sotshaba indonga zendlukazi zayo; benzile intsholo endlwini kayehova, njengasemhleni womtendeleko.

⁸ Ucingile uyehova, ukutshabalalisa udonga lwentombi yase‐Ziyone; uyolule intambo, akasibuyisanga isandla sake ekugqibeni; wenza ngoko ukuba kulilwe yindawo enqatyisiweyo nodonga; zicubukile kunye.

⁹ Amasango ayo atshonile emhlabeni; wonakalisile imivalo yayo, wayapula: ukumkani wayo nenkosana zayo bapakati kwabaheyideni: akuseko umteto; kanjalo abaprofite bayo abazuzi umboniso kuyehova.

¹⁰ Abadala bentombi yase‐Ziyone bahleli pantsi emhlabeni, bati tu; baposile utuli pezu kwentloko zabo, bazibinqile ngentlakantlaka: intombi zipela zase‐Yerusaleme ziyatokombisa ngasemhlabeni intloko zazo.

¹¹ Amehlo am ayapela zinyembezi, amatumbu am axapazele, isibindi sam sipalele ngasemhlabeni, ngenxa yokwapuka kwentombi yabantu bam; ngokuba intsatshana nentsana zisiwa ezitarateni zesixeko.

¹² Ziti konina: Ipina inqolowa neveyine? nxa zisiwa njengenxweleṙa ezitarateni zesixeko; nxa umpefumlo wazo utululelwa esifubeni sonina.

¹³ Ndokunqi̔nela nto nina? ndokufanisa nanto nina, ntombi yase‐Yerusaleme? ndokulinganisa nanto nina, ukuba ndikututuzele, wena ntombi ipela yase‐Ziyone? ngokuba isapuko sako sikulu njengolwandle; ngubanina ongakupolisayo?

¹⁴ Abaprofite bako bakubonele okungendawo nobudenge: abatyilanga inkohlakalo yako, ukuba kubuyiswe ukutinjwa kwako: kodwa bakubonele imitwalo ebuxoki nezigxotiso.

¹⁵ Bonke abadlula endleleni bayenza intlombe ngezandla pezu kwako; bayenza amakwelo, bayahlunguzela intloko, pezu kwentombi yase‐Yerusaleme, besiti: Sisixeko esi na ekutiwe sikupela kwobuhle, siluvuyo kuwo wonke umhlaba?

¹⁶ Zonke intshaba zako ziyakwakamela ngomlomo wazo; ziyenza amakwelo, ziyatshixiza ngamazinyo; ziti: Siyigqibile; okunene lo ungumhla siwukangeleyo; sesifumene, sesibonile.

¹⁷ Wenzile uyehova oko wakuqingayo; ufezile ilizwi lake, elo walixelayo kwa semihleni yakudala; uwisile, engabanga nanceba; notshaba uluvuyisile pezu kwako; ulupakamisile upondo lwabayimpi kuwe.

¹⁸ Intliziyo yabo yakala kwinkosi, isiti: Ludonga lwentombi yase‐Ziyone! yenza inyembezi zityityizele njengomsinga imini nobusuku; ungaziniki ukupumla; malungapezi ukozo lweliso lako.

¹⁹ Suka, danduluka ebusuku, ekuqaleni kwamavaṙasho; palaza intliziyo yako njengamanzi pambi kwobuso benkosi; pakamisela ngakuyo izandla zako ngenxa yobomi bentsatshana zako, eziwayo ngokulamba encameni yezitarate zonke.

²⁰ Bona, Yehova! ukangele lowo ungubanina wenje njalo kuye: abafazi baya kudla isixakato sabo na, intsatshana zokutwalwa ezandleni? umperisite nomprofite baya kubulawa na endaweni engcwele yenkosi?

²¹ Abafana namaxego balele pezu kwomhlaba ezitarateni; ziwile ngeṙele intombi zipela zam, namadodana am: usikile ngomhla wengqumbo yako; ubulele ke, ungabanga nanceba.

²² Ubizile njengasemhleni womtendeleko izoyiko zam eziṙaulayo; kwaza kwati ngomhla wengqumbo kayehova, akwabiko osindileyo noseleyo: abo ndibasingatileyo nendibakulisileyo lubagqibele utshaba lwam.