iGenesis 1 - Incwadi Yeziba̔lo Ezingcwele 1864 1902 (Xhosa Appleyard)

ISAHLUKO I.

¹ EKUQALEKENI wadala utixo izulu nomhlaba.

² KEKALOKU umhlaba wabugxwayiba, wauzé kanjalo: kwabako nobumnyama ebusweni benzulu. Waye u‐Moya katixo wazamazama pezu kwobuso bamanzi.

³ Wayesiti utixo: Makubeko ukukanya; kwaza kwabako ukukanya.

⁴ Waye utixo wabona ukukanya ukuba kulungile; waza utixo wenza isahlulo pakati kwokukanya nobumnyama.

⁵ Wati utixo ukutiya ukukanya, yimini; wati nokutiya ubumnyama, bubusuku. Kwaza ukuhlwa nokusa kwaba ngumhla wokuqala.

⁶ Wayesiti utixo: Makubeko isibakabaka pakati kwamanzi, size sibe sisahlulo pakati kwamanzi namanzi.

⁷ Waza utixo wasenza isibakabaka, wawahlula amanzi abengapantsi kwesibakabaka, kuwo amanzi abengapezu kwesibakabaka. Kwaye kunjalo ke.

⁸ Wati utixo ukutiya isibakabaka, lizulu. Kwaza ukuhlwa nokusa kwaba ngumhla wesibini.

⁹ Wayesiti utixo: Amanzi angapantsi kwezulu makahlanganiselwe endaweni inye, kuze kubonakale okwomileyo. Kwaye kunjalo ke.

¹⁰ Wati utixo ukutiya okwomileyo, ngumhlaba; wati nokutiya ukuhlanganisana kwamanzi, zilwandle. Waye utixo wabona ukuba kulungile.

¹¹ Wayesiti utixo: Umhlaba mauvelise inca, nomfuno unika imbewu, nomti wokuqa̔ma, uhlanza isiqa̔mo ngemmilo yawo, ombewu ipakati kwawo, pezu kwomhlaba. Kwaye kunjalo ke.

¹² Umhlaba wavelisa inca, nomfuno unika imbewu ngemmilo yawo, nomti uhlanza isiqa̔mo, ombewu ipakati kwawo, ngemmilo yawo. Waye utixo wabona ukuba kulungile.

¹³ Kwaza ukuhlwa nokusa kwaba ngumlhla wesitatu.

¹⁴ Wayesiti utixo: Makubeko izikanyiso esibakabakeni sezulu, zize zisenze isahlulo pakati kwemini nobusuku; mazibe zizo ezemiqondiso, nezamaxesha amiselweyo, nezemihla, nezeminyaka:

¹⁵ maziti kanjalo zibe zizikanyiso esibakabakeni sezulu zokukanyisa pezu kwomhlaba. Kwaye kunjalo ke.

¹⁶ Wazenza utixo zazibini izikanyiso ezikulu; eso sikulu isikanyiso ukuba sipate imini, neso sincinane isikanyiso ukuba sipate ubusuku; wazenza nenkwenkwezi.

¹⁷ Wayezimisa utixo esibakabakeni sezulu, ukuba zikanyise pezu kwomhlaba,

¹⁸ nokuba zipate pezu kwemini napezu kwobusuku, nokuba zisenze isahlulo pakati kwokukanya nobumnyama. Waye utixo wabona ukuba kulungile.

¹⁹ Kwaza ukuhlwa nokusa kwaba ngumhla wesine.

²⁰ Wayesiti utixo: Amanzi makakolise ukuvelisa izilwana ezinokudliwa kwobomi; nentaka mazipapazele pezu kwomhlaba esibakabakeni sezulu.

²¹ Wadala utixo iminenga emikulu, nazo zonke izinto ezinokudliwa kwobomi ezishukumayo, awati amanzi akolisa ukuzivelisa ngemmilo yazo; kwa nazo zonke intaka ezinamapiko ngemmilo yazo. Waye utixo wabona ukuba kulungile.

²² Waza utixo wazitamsanqela, esiti: Cumani, nande, nizalise amanzi akuzo ilwandle; nentaka mazande emhlabeni.

²³ Kwaza ukuhlwa nokusa kwaba ngumhla wesihlanu.

²⁴ Wayesiti utixo: Umhlaba mawuvelise izinto ezinokudliwa kwobomi ngemmilo yazo, inkomo, nento ezinambuzelayo, nezilo zomhlaba, ngemmilo yazo. Kwaye kunjalo ke.

²⁵ Wenza utixo izilo zomhlaba ngemmilo yazo, nenkomo ngemmilo yazo, nazo zonke izinambuzane zomhlaba ngemmilo yazo. Waye utixo wabona ukuba kulungile.

²⁶ Wayesiti utixo: Masenze umntu ngomfanekiso wetu, njengemfuzo yetu; mababe nobukosi pezu kwentlanzi zolwandle, napezu kwentaka zezulu, napezu kwenkomo, napezu kwawo wonke umhlaba, napezu kwazo zonke izinambuzane ezinambuzelayo pezu kwomhlaba.

²⁷ Waza utixo wadala umntu ngowake umfanekiso; wamdala ngomfanekiso katixo: wabadala indoda nomfazi.

²⁸ Waye utixo wabatamsanqela, wati utixo kubo: Cumani, nande, nizalise umhlaba, niwoyise; yibani nobukosi pezu kwentlanzi zolwandle, napezu kwentaka zezulu, napezu kwazo zonke izilo ezishukumayo pezu kwomhlaba.

²⁹ Wayesiti utixo: Bona ke, ndinipile yonke imifuno inika imbewu, epezu kwobuso bomhlaba wonke, nayo yonke imiti ekukuyo isiqa̔mo somti sinika imbewu: yoba yinto yokutya kuni.

³⁰ Nakuzo zonke izilo zomhlaba, nakuzo zonke intaka zezulu, nakuzo zonke izinto ezinambuzelayo emhlabeni, ekukuzo ubomi, ndipile yonke imifuno eluhlaza ibe kukutya. Kwaye kunjalo ke.

³¹ Waye utixo wabona konke abekwenzile, kekaloku bona ke, kwakulungile kunene. Kwaza ukuhlwa nokusa kwaba ngumhla wesitandatu.