Romans 1 - WAKALATA WANO WALI

¹ Ekalata wee wafuma kwe Pauli, umuwomvi wakwe Klistu Yesu, umupositile musolwa wino witwa nu Leza kukuwizya Ilandwe lyakwe Leza.

² Leza walayilizizye Ilandwe Zima kali-kali mumilomo yawatumwa, ndi­muno lyawalichilwa mumawaliko Ma­tele.

³ Amazwinye yaa yatakwa ku vya Mwanakwe, Imfumu yitu e Yesu Klistu: kuwuntu, wakwasilwe pachiwa­nza chakwe Davidi;

⁴ ukuwa kumuzimu kweni, walolesile namaka makulu kuno a Mwanakwe Leza pano wazyulupuzi­lwe kumfwa.

⁵ Mwakwe weliwe amuno Leza wampela uwupositile, alyakuti mbombele Klistu, nkolelele awantu wamyiko yonsi ukuti wasuwile swinya watontele.

⁶ Chili nakwakwe mwemwe­nye mwe wa mu Roma, mwewantu Leza wawita ukuti muwe mwe wakwe Yesu Klistu.

⁷ Achaleka nawawalichila mwensi mwewantu wa mu Roma wano Leza wakunda swinya wawita ukuti muwe mwewantu wakwe. Ndi e Leza e Tata ni Mfumu yitu e Yesu Klistu awalole inkumbu muwawa umutende. Ipepo lyakusalifya

⁸ Pakutalika nkusalifya Leza wane, mwakwe Yesu Klistu, muno amwemwe­nye mwensi; amuno isuwilo linu Iyivwi­kwa munsi yonsi nuwukulu.

⁹ E Leza­nye umwenecho awino wamanya kuno chino nkuvwanga achakusimichila—e Leza-nye wino nkapakata numwezo wane wonsi wino nkawizya Ilandwe Zima ilya Mwanakwe. Leza awino wamanya kuno nkawizuka

¹⁰ penye pano nkupepa. Nkalambilizya Leza ukuti munkumbu zyakwe, anzumilizye ukuti njize mbasyungule zuwa amuno pazimba.

¹¹ Amuno nkuluchila nkani­nye ukuwalola alyakuti mbape ichawila chamuzimu chimwi, alyakuti chiwasi­mpisye.

¹² Alyakuti nene namwe tupo­chelele ukwavwa ukulikonga, mwemwe mupochelele kwisuwilo lyane nani kwi­suwilo linu.

¹³ Swinya muwakwizuka choo wana­witu, kuno impindi mvulenye nkalonde­sya ukwizawasyungula, ukuwa penye chimwi chikandema. Nkulonda wamwi awakwe mwemwe nawonye watontolo­kwe, ndivino nalesile amakandi yamwi ayatontolokwa.

¹⁴ Amuno nenji umuli­mo wane awakuwombela awantu wonsi; awamano niviwelewelenye, awasambilile nawano watasambililanye.

¹⁵ Muno achonye-choo, nkulondesya nkaninye ukuti namwenye mwewantu mwikala mu Roma mbawizizye Ilandwe Zima.

Amaka yi Landwe Zima

¹⁶ Nasyanjisya nkaninye mwi Landwe Zima; amuno amaka yakwe Leza ayaku­tula wonsi wano wasuwila, pakutalika awa Yuda nga pakonka amakandi.

¹⁷ Amuno Ilandwe Zima alino likanena awantu vino Leza akawalungamika awawa apaliponga nawe, chino chiku­londwa kwakwe woliwo alisuwilo ampe­la. Ndimuno amawaliko Matele yavwa­njila yati, Wensi wino wawa nisuwilo, Leza wamulungamika alilandila.

Ukuwifya kwamulawa

¹⁸ Amuno ukuvitwa kwakwe Leza kwawumbulika ukufuma mwiyulu ku­kwiza ponela awawipe wonsi nawawe­mbu wonsi wano imilimo yawo imiwipe ikafundichila ukusimichila ukuti kutize kumanyikwe.

¹⁹ Leza akawasunda, amuno vino vingaleka awantu wamanye Leza vili palwenze. Amuno e Leza-nye nalwakwe wawamanyisya ichetenye.

²⁰ Ukufumilila pane Leza walile ayele­wulila insi, awantu wangamanya ichete­nye kuno amaka yakwe yasi ninsilo, nakuno molimonye weni we Leza chingatenga ivintunye vyovyo vitanga vilolwe; lelo vikamanyikwa. Awantu wangamanya ivyakwe Leza pakulola vino welewula. Achaleka wasi naka­pemezyo kamwi!

²¹ Wamarrya Leza ukuwa wasimuchindika ndimuno wawe­la, nanti akumusalifya wasimusalifya, ukuwa amana yawo yavulunganika yawa ayavye-yavye winjila mumfinzi, watanga wamanye ichizima nanti achi­wipe.

²² Wakutanji wali namano, napa­no aviwelewele;

²³ wafuntuka kukupepa Leza wino asifwa, waya mukupepa amakolania yano yakaloleka ngati amu­ntu wino akafwa, pamwi ndivino inyu­nyi nanti anyama nanti avikulisi.

²⁴ Muno awuwelewele wawantu, Leza wawalechelezya ukuti wachita ivintu vyawunyali vino imyezo yawo yakundi­sya, wakachitilana ivintu vino vikaleta insoni.

²⁵ Amuno wakana ukupechela Leza wakusimichila, wakonka uwufi; wakapakata nukuwombela ivintu vino Leza welewula wasya ukuti wapakata umwenechonye Umwelewuzi, wino wa­zipila ukumutumvya penye! Amen.

²⁶ Achaleka muno awantu wakachita wonye-woo, Leza wawalechelezya wale­ka ukuti wachita imyata yawukwele­ngusi. Awanachi nawo wapilula imiwele yawanachi wali ninyengwa yakulonda­na awanachi watupu.

²⁷ Nawonsinye wasilonda ukupalamana nawanachi ukuwa inyengwa yawo ayakulondana awonsi watupu. Awonsi wakachita ivintu vyansoni ivyakulondana awonsi watupu, achaleka wasundwa ndimuno imiwele yamilimo yawo imiwipe yawela.

²⁸ Muno awantu watapechela e Leza wakusimichila, nu Leza-nye nawe wa­walechelezya waleka amana yawo yavu­lunganika, ukuti wachita vino vitazipila ukuvichita.

²⁹ Wizula nuwuwelewele, nuwuwipe, nukufunuka, nukuzenkenta; wizula nuwuzuwa, nuwuchikoma, nulo­mbwa, ichenjezya, nuwukwakwa. Wali nichinenia,

³⁰ swinya wakavwanjilana iviwipe; wapatila nu Leza kumwi, wali nimisulo nichilumba, nukuyiwanzya; wakakwelengania ukuchita uwuwipe wutupu; wasitontela awakwasi wawo;

³¹ awazelele, wasichita vino walayilizya ukuchita, swinya wakalala wasifwila wanji inkumbu.

³² Wamanyanye-nto kuno is undo lyakwe Leza lyavwanga lyati awantu wamwatanye woo wazipila imfwa. Ukuwa naponye wakalandalila ukuchita ivyamwatanye woo, awazumi­lizya nawanji ukuchita wowonye.