James 1 - WAKALATA WANO WALI

¹ E kalata wee wafuma kwe Jemusi umuwomvi wakwe Leza ni Mfumu e Yesu Klistu: Akulamuka awantu wakwe Leza wonsi wane wasatila munsi yonsi nuwukulu,

Isuwilo namano

² Wanawitu! Yelenganianji kuno mwewalongo ndi amatamyo yamisango­misango yakuwaponela,

³ amuno mwa­manya kuno ndisuwilo linu likuchimvya mukwelezwa kwinu, amutela muli na­maka yakuzizimichizya,

⁴ Muzizimichi­zye mufike nakunsilo nanti kupotwa, alyakuti muwe mwewayane, nanti ku­sowelwa chimwi.

⁵ Ukuwa ndi wumwi wasowelwa amano, wazipila apepa kwe Leza, wino angamupa amano, amuno Leza weni akapa wonsi chipepe mbali ninkumbu.

⁶ Pano mukupepa muwawa nisuwilo, nanti kuvwilika. Wensi wino akuvwilika atela ali ngati aling'wimbi lyakwe sumbi lino likasendwa mwalwe numuza.

^7-8 Umuntu wamwatanye wowo atela awamyezo yiwili, wino, asipanichisya chino akuchita, weyonye atanga awafwa nukusuwila ukupoche­lela chimwi ku Mfumu.

Ukusowelwa nukutavuzya

⁹ Umwanawitu umulanda wazipila awasechela ndi Leza wamukatusya,

¹⁰ numuchindamenye ndi Leza wamuchefya. Amuno ukuchindama kuka­pita ndivino iluwa lyalonde,

¹¹ Ilanzi likafuma nichilungula chakwe alyo­chelela piluwa; niluwa alilukuta, nu­kuyemba kwakwe Iyolilyo akononeka. Avino numuntu muchindame aliyono­nwa pano akupinkintika nimilimo ya­kwe.

Ukwelezwa

¹² Awalongo umuntu wino akulanga ali nisuwilo pano akwelezwa, amuno ndiwachimvya wachita ichete alipo­chelela ichilambu chawumi chino Leza walayilizya wane wamukunda.

¹³ Ndi umuntu welezwa wowonye atazipila ati, We Leza awino akumwelezya. Amuno Leza asikwelezwa nuwuwipe, nawenye Leza asikwelezya umuntu wumwi.

¹⁴ Ukuwa umuntu akwele­zwanga ndiwakwemwa watitichizwa nuwuwipe wakulonda kwakwe.

¹⁵ Nga­pano ukulonda kwakwe ukuwipe akula kwakula akusokolola uluwembu; nga alula uluwembu nalo lwakula, aluleta imfwa.

¹⁶ Wanawitu, mutize muwachenje­zwa!

¹⁷ Ivyawila vyonsi ivizima nivila­mbu vyonsi vikafuma mwiyulu; vika­fuma kwe Leza, ekelewula wakuwala kwamwiyulu. Weni asikawuka nanti akusikuka pano akusenuka.

¹⁸ Kuku­londa kwakwe watwelewula nizwi lya­kwe ilyakusimichila, alyakuti tuwe swewakutalika pavitumbulwa vyakwe vyo­nsi.

Ukwivwa chino amazwi yakusula nga nukutontela

¹⁹ Wanawitu, yizukanji choo! Muwa­kampuka ukwivwa, ukuwa muwatechela pakuvwanga, swinya muwatechela pa­kuvitwa.

²⁰ Ukuvitwa kwamuntu kusi­leta uwulungamane kwe Leza.

²¹ Acha­leka, funtukanji kumyata yawukwele­ngusi nimiwele miwipe yonsi. Chimbani kwe Leza mupochelele izwi lino akule­mbeka mumyezo yinu, lino lili namaka yakuwafyusya.

²² Mutize muwayichenjezya nukwi­vwa izwi lyakwe kutupu, Ukuwa, mu­walitontela.

²³ Amuno wensi wino akul'ukwivwa kutupu nanti kutontela wako­lana numuntu wino akayilola pachilola ayilola vino ali.

²⁴ Ayilolechesya ichete­nye apita, ukuwa nanti kuzimbanye ayiwilila vino ali.

²⁵ Ukuwa wensi wino akulolechesya mumasundo mayane ya­no yakaleka awantu awalufuma, wino akulanga akuyatontela, nanti kwivwa kutupu ayiwilila nukwiwilila, ukuwa weni alanga akachita ndivino amasundo yakutaka—umuntunye weyo alipepwa nu Leza kumilimo yakwe.

²⁶ Wuzye pali wumwi wino akuyele­ngania kuno amulungamane? ukuwa ndi atanga ayisunge ululimi lwakwe, uwulungamane wakwe wowo awutela awavye wukumutumpika awowo.

²⁷ Uwulungamane wenecho wuno e Leza e Tata wakundisya awoo: ukusa­yila wandekwa nawano wafwilwa awa­mule mukuyimba kwawo, nukuyisunga kuviwipe vyonsi ivyikombezya lyamu­nsi.