Hebrews 1 - WAKALATA WANO WALI

Izwi lyakwe Leza lino wavwanjizile mumwanakwe

¹ Kali, Leza wavwanzyanga watata­kulu impindi mvule munzila nde­kane-le kane mumilomo yawatumwa,

² ukuwa mumanda yaa ayakupelele­chezya wavwanjila kwesweswe mu Mwanakwe. Mwakwe weliwenye amuno Leza welewulizile ivintu vyonsi weyonye wino Leza wasozile ukuti pakupelele­chezya ayize awe nivintu vyonsi.

³ Aka­zikimila nukuwala kwawukankala wa­kwe Leza; swinya welikolano lyamwata wakwe, weni akalela ivintu vyonsi namaka yizwi lyakwe. Walile pano waswefya awantu kuluwembu lwawo, aya ayikala mwiyulu kwikasa lyandilo ilyakwe Leza, uwamaka yonsi.

Umwana wakula walusya awangeli

⁴ Umwanakwe Leza wakula walusya nawangelinye, ndivino izina lino Leza wamwisile lyakula lyalusya amazina yawangeli.

⁵ Amuno Leza atatela anene umungeli wumwi ati, Wemwanane; ilelo nawa neso: swinya Leza atatela anene umungeli wumwi ati, Ndiwa neyisi, nawe awe amwanane.

⁶ Ngaswinya pano Leza wati awatuma Umwanakwe ekatote munsi watili, Ndi awangeli wakwe Leza wonsi wamupakata.

⁷ Ivyawangeli Leza watili, Leza waleka awangeli wakwe wawa amuza, nawawomvi wakwe wawa ambiwi yamuwilo.

⁸ Ukuwa ku vya-Mwana wavwanga wati, Oko we Leza, wenji indulu yako ayape-nape! Ukapanzya uwufumu wako nuwu­lungamane.

⁹ Wakunda uwulungamane wapa­ta uwuwipe; achaleka e Leza, e Leza wako, wakusolela wakusechelesya nukukuchindika kukulu nkani ukulusye vino wachindika awawu­yo.

¹⁰ Swinya ati, Awewenye Mfumu pakutalika-tali­ka welewuzile insi, welewuzile iyulu namakasa yako.

¹¹ Vyonsinye vilizimanjika, ukuwa wenji ulilandila; swinya vyonsi vilisila ndivino ivizwalo.

¹² Ulivisunsila mupela ngati achi­zwalo, uwavilechelania ndivino ukachita ivizwalo. Ukuwa wenji ulilanga uli uwuliwo­nganye, nanti kwiza kota.

¹³ Leza atatela anene umungeli wakwe wumwi ati, Yikala koo kwikasa lyane ilyandilo ukuti nsuke ndeke awalwani wako wawe ngati apakulyatila amatamba yako.

¹⁴ Ngafwandi nawo awangeli, awa­chani? Wonsinye amizimu awowo awa­womvi wakwe Leza wino wawatuma kukwavya wane wangiza watulwe.