Ester 10 - Allah Iak 'Belak Naduk A'ge emin Pobuk A'ge Emin Wusogo Wogenebegei Wene

Mordekhai onuk lok aga wene

¹ O eliko lok eiye welago ano ogut esa’go ik lok ye’gelak esa’goma en hwe erli esa’goma ’berlegat ’gwelagentarok welago a’ge paget o’go pogwi a’ge wogosu agalat tuagoluk, ap onuk logo Ahasyweros iak anni pam wene mo’gulentesi.

² Ye, ap onuk logo a’ge en di tagalat yu tagalat modok nogorlok a’ge lok til lasu laga ano emin, ap Mordekhai logo pesi ano pam onuk lok aga ano emin, ’berlegat is ap Media a’ge emin, Persia a’ge emin, onuelak ononuk logo a’ge en togu legesa a’ge pelal wogo oruak a’ge ano, emin pelal wogo pegesa ano erlak no?

³ Ap Yahudi a’ge Mordekhai ano re, ap onuk logo Ahasyweros emin hegisogo ononuk logatma re, at onuk logo a’ge Ahasyweros erlak holuk, e’balema Mordekhai ano enat wene mo’gulentasu laga. Ye, at arilak Yahudi a’ge op welemagoluk, hwelak enebasulat, is ena’gul onuk Yahudi ’berlegat wene enebam agoma no oluk, enebe op welemagoluk, onowene ’baliselat, asogo taga lagama re, is at arilak Yahudi a’ge ’berlek en enede hwedik takpogulat, alik worogu legesa.