เซฟันยา 1 - ซูรัจ ปือมือเลา นะ ตูฮัด1 ปือมือเลา นะ ตูฮัด บือซัยํ เดะ อาตัซ_ นู มาแรฮ รอจ กะ เซฟันยา_ นานะ นะ คูซี_ นู ฌาดี นานะ นะ เกดาลียา_ นู ฌาดี นานะ นะ อามารียา_ นู ฌาดี นานะ นะ เฮเซคียา. ปือมือเลา อีนี มาแรฮ เดะ ฮาดัจ นะ โยซียา นานะ นะ อาโมน ราฌา นังฆรี ยูดา. ลาฆู กรัจ ฮูโกบ ยูดา นู ตืองัฮ นะ มาแรฮ รอจ 2 ตูฮัด บือซัยํ เดะ อาตัซ มือเลา กะฆีนี จะ “กู นะ กีปัซ โกะ ซือบารัก ราตา ฌือแนฮ บรี ฮาบิฮ เดะ ดือนียา.” 3 ตูฮัด มือเลา ปูลัก จะ “กู นะ กีปัซ อูมัจ ซือมียา ฌางัน โกะ บือนาตัก กู นะ กีปัซ โกะ บูโรก เดะ ลาแงะ ฌางัน โกะ อีกัด เดะ ลาโวจ ฌูฆา. กู นะ บรี โกะ ซือมียา ฌาฮัจ นะ ตือซีปะ รือบัฮ กู นะ โปรฮ อูมัจ ซือมียา เดะ ดือนียา. 4 กู นะ อาเงา ตางัน นะ กู ปี_ บือลาวัด ฌางัน ลูมอฮ ยูดา บือลาวัด ฌางัน ลูมอฮ เยรูซาเลม ซือมูฮา กู นะ โปรฮ มานามา นู ลือเบฮ นะ บราลา บาอัน_ เดะ ตือปัจ อีนี กู นะ อีซุจ ปือนามา โกะ ซามี นู มือญือมัฮ โกะ บราลา เลอ 5 ฌาดี โกะ ซือมียา นู มือนูโนะ เดะ อาตัซ กือมูโบก รูมัฮ บีดา มือญือมัฮ โกะ บีตัก เดะ ลาแงะ โกะ ลูมอฮ อีตู นู บือฌาญี บือซูปัฮ ฌางัน ตูฮัด บือซัยํ เดะ อาตัซ ตาปี กูญา อาดา บือซูปัฮ เดะ ปือนามา นะ บราลา มินโคม 6 โกะ ลูมอฮ อีตู นู อาเลฮ มาแรฮ_ เตด ตูโรจ ตูฮัด บือซัยํ เดะ อาตัซ ฌาดี ลูมอฮ นู เตด บือเลฮ ซารี ตูฮัด เฆอ จะ ตาญา ญา.” 7 กือนา ซืองะ โซะ ฮือลด มูคา นะ ตูฮัด_ จะ_ ตูฮัด บือซัยํ เดะ อาตัซ ซาเบะ จะ อารี นะ ตูฮัด มาแรฮ ดาปิก ดัฮ ตูฮัด ญา ซียะ ซือบารัก มือญือมัฮ ดัฮ บาโซฮ ลูมอฮ นู ญา บลาโลก ดัฮ_ บรี จรัฮ บาฌิ เลอ. 8 เดะ อารี บูนอฮ ซือบารัก มือญือมัฮ_ นะ ตูฮัด บือซัยํ เดะ อาตัซ ตูฮัด ญา มือเลา จะ “กู นะ กรัจ ฮูโกบ โกะ กือปาลา ฌางัน โกะ นานะ นะ ราฌา ฌางัน ราตา ซือมียา นู ปากัย กาเยด บาฌู นะ บักซา อาซิก. 9 เดะ อารี อีตู กู นะ กรัจ ฮูโกบ ราตา ซือมียา นู มือลูปัจ ลากัฮ บือโนน ปีตู ฌางัน โกะ ซือมียา นู บูวัจ บรี รูมัฮ นะ ตกเก ปือนอฮ ฌางัน ลาฆู บูวัจ โตระๆ ฌางัน ลาฆู มืออูปัย.” 10 ตูฮัด บือซัยํ เดะ อาตัซ มือเลา จะ_ “เดะ อารี อีตู นะ ดืองัยํ ซือวารา บือซูระ ดาตัก เดะ ปีตู อีกัด ฌางัน ซือวารา มือนาแงฮ เดะ ซือบือลัฮ นู ดูวา อีตู ฌางัน ซือวารา บูริ ดาตัก บีดิก บูเกะ. 11 โอ ลูมอฮ ตูโปะ ลือโซก_ กือนา มือนาแงฮ เลอ กรานา โกะ ปราเยฮ ซือมูฮา_ เตด ลือเบฮ ซืออูรัก โปด ซือมียา นู ตีมัง ปีระ ฌูวัน โกะ ซือบารัก โปด_ กือนา โปรฮ ดัฮ. 12 เดะ วะตู อีตู กู นะ อาเมด ปลีตา ซูโลฮ ลีฮัจ เยรูซาเลม กู นะ กรัจ ฮูโกบ โกะ ซือมียา นู เตด บรีงัจ นามา บือกะ กรือดะ อาระ อางุน นู ตาโรฮ ลามา ฌู โกรฮ ซือมียา นู บรีงัจ เดะ ฮาตี นะ กูญา จะ ‘ตูฮัด บือซัยํ เดะ อาตัซ นะ เตด บูวัจ ลาฆู บาฌิ ญา นะ เตด บูวัจ ลาฆู ฌาฮัจ.’ 13 ตาปี โกะ ซือบารัก บรือฆา นะ กูญา โปด นะ กือนา ซามุน รูมัฮ นะ กูญา นะ บือนาซา ฮอย นามา มีเซ นะ บูวัจ รูมัฮ โปด กูญา นะ เตด บือเลฮ ดูโดะ มีเซ นะ บูวัจ กือโบด อางุน โปด กูญา นะ เตด บือเลฮ โอะ อาระ อางุน ดาตัก เดะ กือโบด อีตู.” อารี บือซัยํ นะ ตูฮัด บือซัยํ เดะ อาตัซ ( อาโมด 5.18-20 ) 14 อารี บือซัยํ นะ ตูฮัด บือซัยํ เดะ อาตัซ ดาปิก นะ รอจ ดัฮ ดาปิก มัจอามัจ ดัฮ งูฆางู เลอ ซือวารา เดะ อารี นะ ตูฮัด โปด_ ซูซัฮ ฮาตี ตาฮัน นู ตือฆัยํ อูรัจ นะ บือซูระ เดะ ตือปัจ อีตู. 15 อารี อีตู ฌาดี อารี นะ ลาฆู มูซัยํ ฌาดี อารี ซูซัฮ ฮาตี_ อารี บือซูซัฮ ฌู เตด ตาฮู บรีงัจ ฌาดี อารี ฌาฮานัม_ อารี บือนาซา ฮาบิฮ ฌาดี อารี นู กือลับ_ อารี โดบรือโดบ ฌาดี อารี นู อาดา กือมูวัง_ ฌางัน ลาฆู กือลับ ฮีตับ 16 ฌาดี อารี นู อาดา ซือวารา ตีโยะ ซือลูนัย_ อาดา ซือวารา บือซูระ บือปรัก บือลาวัด ฌางัน โกะ นังฆรี นู อาดา ดีนิง บือลาวัด โกะ รูมัฮ บือปรัก นู ตีงี. 17 กู นะ บาวา ลาฆู ซูซัฮ ปายัฮ มาแรฮ กะ อูมัจ ซือมียา ฌู กูญา นะ บือฌาลัด ปี บือกะ ซือมียา มาตา บูตา ซาเบะ กูญา บือเลฮ บูวัจ ดูซา โซะ ฮือลด ตูฮัด บือซัยํ เดะ อาตัซ ดารัฮ นะ กูญา นะ กือนา อูแร ตรือเบะ ซือรูปา กะ ฮาบู ลูลู นะ กูญา นะ กือนา อูแร ตรือเบะ ซือรูปา กะ ตาฮี บือนาตัก. 18 โกะ ปีระ โกะ มัซ นะ กูญา นะ ตูโลก กูญา เตด บือเลฮ เดะ อารี นู ตูฮัด บือซัยํ เดะ อาตัซ ญา มูซัยํ โกะ ดือนียา ซือมูฮา นะ กือนา ตูนู เดะ อาปี นะ ลาฆู ซายัก โตระ นะ ตูฮัด ตูฮัด นะ บูวัจ บรี โกะ ลูมอฮ ดือนียา ซือมูฮา รอจ กะ ตือปัจ ปือญูดัฮ ปี ซือลาลู_ บราซา ตาโกจ เลอ. |