ลาฆู มือญาญี 1 - ซูรัจ ปือมือเลา นะ ตูฮัดซูรัจ 1 ( ลาฆู มือญาญี 1—41 ) ดูวา ฌาลัด 1 ซือมียา นู ซือนัง ซือลามัจ เตอ_ ฌาดี ซือมียา นู เตด บูวัจ ตูโรจ_ กะ ปือมือเลา อาฌัยํ นะ ซือมียา ฌาฮัจ นู เตด บือดีรี เดะ ฌาลัด นะ ซือมียา บือดูซา เตอ นู เตด ดูโดะ เดะ ตือปัจ ดูโดะ นะ ซือมียา อาฆัฮ ฆือละ เลอ. 2 ตาปี ซือมียา อีตู ญา ซูกา ฮาตี กะ ซูรัจ ปือมือเลา ฮูโกบ นะ ตูฮัด. ซียัก มาลับ โปด_ ญา บือฮีมัจ กะ ปือมือเลา อีตู. 3 ซือมียา อีตู_ ญา ซือรูปา กะ ปูโฮด กายู นู ตานัม ดัฮ_ โซะ บีดิก ซูงัย นู อาดา บูวัฮ เดะ มูเซด นะ ญา. ดาโวด นะ ญา โปด_ ฮอย เตด ลายู. ซือมียา อีตู ญา บูวัจ นามา โปด_ บาฌิ ฮาปา. 4 โกะ ซือมียา ฌาฮัจ ฮอย เตด กะฆีเตอ โบะ ตาปี กูญา ซือรูปา บือกะ กูเละ ปาดี_ นู กือนา อาเงน ตีโยะ งรือลัก ปี ดัฮ. 5 กะฆีเตอ โกะ ซือมียา ฌาฮัจ นะ เตด บือเลฮ บือดีรี บือซามา ลูมอฮ ซือมียา กรัจ ฮูโกบ. ซือมียา บือดูซา โปด_ นะ บือดีรี บือซามา ฌางัน ลูมอฮ ซือมียา บาฌิ ตือปัจ ฮอย เตด บือเลฮ เลอ. 6 ซาเบะ ตูฮัด บือซัยํ เดะ อาตัซ_ ญา ตาฮู ฌาลัด นะ ซือมียา บาฌิ ตือปัจ ตาปี ฌาลัด นะ ซือมียา ฌาฮัจ นะ บาวา ปี ฌาฮานัม เลอ. |