ฮักกัย 1 - ซูรัจ ปือมือเลา นะ ตูฮัดตูฮัด ญา ซูโรฮ บรี บูวัจ รูมัฮ มือญือมัฮ ( เอซรา 5.11 ) 1 เดะ อารี ซา_ บูลัด นัม_ ตาโฮด นู ดูวา_ ฮาดัจ นะ ราฌา ดารีอัด_ ปือมือเลา นะ ตูฮัด บือซัยํ เดะ อาตัซ มาแรฮ ดัฮ_ อาดา ฮักกัย_ ซือมียา ตูโดฮ ปือมือเลา นะ ตูฮัด_ ฌาดี ซือมียา มือญาเระ_ มาแรฮ รอจ กะ เซรุบบาเบน_ นานะ นะ เชอัน-ทีเอน_ กือปาลา นังฆรี ยูดา_ รอจ กะ โยซูวา_ นู ฌาดี ซามี_ นานะ นะ เยโฮซาดัก_ มือเลา จะ 2 “ตูฮัด บือซัยํ เดะ อาตัซ_ ตูฮัด นู มือฆัฮ_ ญา มือเลา กะฆีนี จะ_ โกะ ลูมอฮ ซือมียา อีนี มือเลา จะ_ ‘วะตู นู นะ บูวัจ รูมัฮ มือญือมัฮ นะ ตูฮัด บือซัยํ เดะ อาตัซ_ มาแรฮ เตด รอจ ลาฆี.’ ” 3 กะฆีเตอ ปือมือเลา นะ ตูฮัด บือซัยํ เดะ อาตัซ มาแรฮ ดัฮ_ อาดา ฮักกัย_ ซือมียา ตูโดฮ ปือมือเลา นะ ตูฮัด มือญาเระ_ จะ 4 “รอจ วะตู ดัฮ เฆอ_ นู กาเญา ตะอาซิก อาดา ดูโดะ เดะ รูมัฮ นู อาดา ปาปัด อาปัยํ_ ตาปี รูมัฮ มือญือมัฮ อีนี ปือบียัยํ บรี ญา รูโตฮ เฆอ? 5 ซาเบะ กะฆีเตอ_ วะตู อีนี_ ตูฮัด บือซัยํ เดะ อาตัซ_ ตูฮัด นู มือฆัฮ_ ญา มือเลา จะ_ กือนา บือฮีมัจ ลีฮัจ จะ_ กาเญา อาดา ดูโดะ กะฮามี. 6 กาเญา ปุย ปรุย บาญะ_ ตาปี กือตับ กิดีกิ. กาเญา มากัด ตาปี ฮอย เตด กือญัง_ โอะ ตาปี ฮอย เตด บราดู ดาฮาฆา อาเย. กาเญา บือปากัย ตาปี ฮอย เตด ฮางัจ. ซือมียา นู บือเลฮ รือฆา อูปัฮ โปด_ บือเลฮ รือฆา อูปัฮ มาแรฮ บอฮ เดะ โทก กูเละ บือนาตัก นู อาดา ลูบัก ตีริฮ. 7 “ตูฮัด บือซัยํ เดะ อาตัซ_ ตูฮัด นู มือฆัฮ_ ญา มือเลา กะฆีนี จะ_ กือนา บือฮีมัจ ลีฮัจ จะ_ กาเญา อาดา ลาฆู ดูโดะ กะฮามี. 8 ตูฮัด มือเลา จะ_ กือนา ญาแญะ ปี กะ อาตัซ บูเกะ_ บาวา กายู มาแรฮ_ บูวัจ รูมัฮ มือญือมัฮ นะ กู_ บีดา กู นะ ซูกา ฮาตี เดะ รูมัฮ มือญือมัฮ อีตู_ นะ กือนา มือโอจ. 9 กาเญา บือคานะ นะ บือเลฮ บาญะ_ ตาปี นี เลอ_ บือเลฮ กิดีกิ. กาลา บาวา บูวัฮ มาแรฮ กะ รูมัฮ_ กู โปด รือฆู ญา ปี ดัฮ. ตูฮัด บือซัยํ เดะ อาตัซ_ ตูฮัด นู มือฆัฮ มือเลา จะ_ บูวัจ นามา ฌาดี กะฆีเตอ เลอ? ซาเบะ รูมัฮ มือญือมัฮ นะ กู ญา รูโตฮ_ ตาปี โซะ กาเญา ฆางู ปี กะ รูมัฮ นะ กาเญา ซิกมาซิก. 10 กะฆีเตอ_ ลาแงะ เดะ อาตัซ กาเญา บลารัก อาเย ฮือโมด_ ดือนียา โปด ตาฮัด บูวัฮ นะ ญา ดัฮ. 11 กู โปด_ บาวา ลาฆู ตานัฮ ตูโฮยํ มาแรฮ_ กะ นังฆรี ฌางัน บูเกะ_ มาแรฮ กะ โกะ บรัซ_ อาระ อางุน นู บารู_ ฌางัน มีญะ กือดูโนด_ มาแรฮ กะ ซือบารัก แนฮฌือแนฮ นู ตานัฮ บูวัจ บรี บือบูวัฮ_ มาแรฮ กะ อูมัจ ซือมียา ฌางัน บือนาตัก_ มาแรฮ กะ ลาฆู ปือบูวัจ นู ตางัน บือเลฮ บูวัจ ซือมูฮา.” 12 กะฆีเตอ_ เซรุบบาเบน_ นานะ นะ เชอัน-ทีเอน_ ฌางัน โยซูวา กือปาลา ซามี_ นู ฌาดี นานะ นะ เยโฮซาดัก_ มารือมา ฌางัน โกะ ลูมอฮ ซือมียา ซือมูฮา นู อาดา ลือเบฮ เตอ_ กูญา บือเลฮ มือนีงัย กะ ซือวารา นะ ตูฮัด บือซัยํ เดะ อาตัซ_ ตูฮัด นะ กูญา_ ฌางัน ปือมือเลา นะ ฮักกัย_ ซือมียา ตูโดฮ ปือมือเลา นะ ตูฮัด_ ซาเบะ จะ_ ตูฮัด บือซัยํ เดะ อาตัซ_ ตูฮัด นะ กูญา_ บือเลฮ ซูโรฮ ญา มาแรฮ. โกะ ลูมอฮ ซือมียา โปด_ บรีงัจ ตาโกจ เดะ ตูฮัด. 13 กะฆีเตอ ฮักกัย_ ซือมียา มือเลา ฆาตี ตูฮัด_ ญา มือเลา กะ โกะ ลูมอฮ ซือมียา_ ตูโรจ บือกะ ปือมือเลา นู ตูฮัด บือเลฮ ซูโรฮ จะ_ “ตูฮัด บือซัยํ เดะ อาตัซ_ ญา มือเลา กะฆีนี จะ_ กู อาดา ดูโดะ ฌางัน ลูมอฮ กาเญา.” 14 ตูฮัด ญา อาโซฮ ฮาตี นะ เซรุบบาเบน_ นานะ นะ เชอัน-ทีเอน_ กือปาลา นังฆรี ยูดา_ อาโซฮ ฮาตี นะ โยซูวา_ นานะ นะ เยโฮซาดัก_ กือปาลา ซามี_ อาโซฮ ฮาตี นะ โกะ ลูมอฮ ซือมียา ซือมูฮา นู อาดา ลือเบฮ เตอ_ กะฆีเตอ กูญา โปด_ มาแรฮ บูวัจ รูมัฮ มือญือมัฮ กะ ตูฮัด บือซัยํ เดะ อาตัซ_ ตูฮัด นู มือฆัฮ_ ตูฮัด นะ กูญา_ 15 เดะ อารี ดูวา ปูโลฮ ปัจ_ นะ บูลัด อีตู_ ฌาดี บูลัด นัม เลอ_ เดะ ตาโฮด นู ดูวา เดะ ฮาดัจ ราฌา นะ ดารีอัด. |