NEHEMIA 7 - Susula Malalaok Hehelu Palak Ma Hehelu Beuk

¹ Papala nanadamak ndia nananafofo'a basak boema, au adenu fo pasak lelesu-la doon-nala neu. Boema au adenu manamanea lelesuina-la, basa manamakameek-kala ma hataholi Lewi-la, fo esa-esak ho'u ndia bela-ba'un.

² Au fe au tolanoong Hanani paleta kota Yerusalem ma, ma au fe Hananya da'di malanga solda'du manai lain soaneu kota musu-a, nanahu ndia lena neme hataholi fe'ek-kala mai, ana bii-namata'u neu Manetualain ma hapu nananamahelek.

³ Au afa'das ae, “Metema le'do-a tii soona, besak-ka soi lelesuina Yerusalem-ma, ma beita nggati manamanea le'donosok-kala fa te, lelesuina muse nanakenak so, ma tao ai betubalan-na neu. Fe'ek neme ndia mai, muse hele manamanea neme laun Yerusalem-ma dalek mai, fo nggelok lanea nai uma naneak-ka, ma nggelok bai soona, ala la'ok ndondolo mamanak manai sila uman-nala boboa-kaisun.”

Hataholi manafali ma'is leme mamana tu'u-tapak-ka mai-a, na'den-nala nanasulak nde ia

⁴ Yerusalem nde been-na kota maloaina, tehu laun-nala ka'da lumanak, ma uma beita ba'uk-ka fa.

⁵ Hu ndia de, Manetualain nakababale au daleng-nga, soaneu au alo akabubua basa laun-nala ma basa mauli-malangan-nala boema lasi ngolok-kala, fo ela au hapu lekes tunga esa-esak susula bei-ba'in. No enok ndia de, au hapu susulak la'eneu hataholi manafali makasososak leme mamana tu'u-tapak mai. Susulak nanasulak nai nisidaen ia nde bee soona, au hapu tutui mangale'dok neme susulak ndia mai nae:

⁶ Hataholi nanafook sila-la, ba'uk-ka la'oela propensi Babel-la, de ala fali ma'is leo Yerusalem ma Yehuda mai, de esa-esak fali ne'un leo kotan-na neu. Ala leo dook-ka lanseli neme mamana okak manai Babel-la, mulai neme Mane Nebukadnezar-ra foo nenis leo naa neu da'dileo hataholi nanafook.

⁷ Sila mauli-malangan-nala nde, Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum ma Baana.

^8-25 Leo-ingu Israel-la no leo-ingu manafali ma'is leme mamana tu'u-tapak mai-a, na'den-nala nai susulak ia dalek no leo-ingu-la esa-esak dede'un-na nde ia: Paros – 2.172 Sefaca – 372 Arakh – 652 Pahat-Moab (fo Yesua ma Yoab tititi-nonosin) – 2.818 Elam – 1.254 Zatu – 845 Zakai – 760 Binui – 648 Bebai – 628 Azgad – 2.322 Adonikam – 667 Bigwai – 2.067 Adin – 655. Ater (loken lae Hizkia boe) – 98 Hasum – 328 Bezai – 324. Harif – 112 Gibeon – 95

^26-38 Hataholi-hataholi fo bei-ba'i kain-nala leo leme kota-kota fo nanasulak nai dae ia boeo, ala fali ma'is leme mamana tu'u-tapak mai: Kota Betlehem ma Netofa – 188 Anatot – 128 Bet-Azmawet – 42 Kiryat-Yearim, Kefira ma Beerot – 743 Rama ma Gaba – 621 Mikhmas – 122 Betel ma Ai – 123 Nebo fe'ek esa – 52 Elam fe'ek esa – 1.254 Harim – 320 Yerikho – 345 Lod, Hadid, ma Ono – 721 Senaa – 3.930

^39-43 Imam-mala leo-ingu fo manafali ma'is leme mamana tu'u-tapak mai-a, susulan-na nde ia: Yedaya (fo Yesua tititi-nonosin) – 973 Imer – 1.052 Pasyhur – 1.247 Harim – 1.017

^44-45 Lewi leo-ingu fo manafali ma'is leme mamana tu'u-tapak mai-a nde ia: Yesua ma Kadmiel (fo Hodewa tititi-nonosin) – 74 Manamakaminak sasanu manaiUman, (fo Asaf tititi-nonosin) – 148 ManamaneaUman-na lelesuinan-na (fo nde Salum, Ater, Talmon, Akub, Hatita, ma Sobai) – 138

^46-56 Basa manatao belak manai Manetualain Uman-na, leo-ingu fo manafali ma'is leme mamana tu'u-tapak mai-a, susulan-na nde ia: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa, Barkos, Sisera, Tema, Neziah, ma Hatifa.

^57-59 Salomo malalau-maoonon leo-ingu fo manafali ma'is leme mamana tu'u-tapak mai: Sotai, Soferet, Perida, Yaala, Darkon, Gidel, Sefaca, Hatil, Pokheret-Hazebaim, Amon.

⁶⁰ Basa manatao belak manai Manetualain Uman-na tititi-nonosin, ma basa Salomo malalau-maoonon fo manafali ma'is leme mamana tu'u-tapak mai-a, basa-basan lala'en-na, hataholi natun telu siohulu dua.

^61-62 Nai hataholi fo manala'o leme kota Tel-Melah, Tel-Harsa, Kerub, Adon ma Imer-ra, hataholi natun nee haahulu dua, fo nai dalek hapu Dalaya, Tobia ma Nekoda leo-ingu-nala boe; tehu ala ta hapu fe buti lae leoina Israel-la tititi-nonosin sila fa.

^63-64 Boeo hapu imam fo ala ta hapu susulak la'eneu sila bei-ba'i kain-nala, teidalen de'ubee boe. Teidalek sila-la nde: Habaya, Hakos, ma Barzilai. (Teidalek imam Barzilai bei-ba'i kain esa ana sao inak esa neme teidalek Barzilai nai Gilead tititi-nonosin, de basa boema ana pake aliaman-na teidalen-nala na'den-na). Nanahu ala ta hapu fe buti, lae sila bei-ba'i kain nde see fa, hu ndia de, ala ta sipok-kasa da'di imam fa.

⁶⁵ Nusa Yudea Gobelnol-la kena-ka'is, fo boso la'a nana'ak fo nanatunu-hotu fen neu Manetualain, losa hapu imam esa, fo noke natutu'duk nenik ana pake Urim ma Tumim.

^66-69 Hataholi nanafook fo manafali ma'is leo nusan-na mai-a, basa-basan lala'en-na, hataholi lifun haahulu dua natun telu neehulu. Fe'ek neme ndia mai boe, basa sila hataholi manatulu-falin fo manafalik-kala, hataholi lifun hitu natun telu teluhulu hitu ma manamakameek, hataholi natun dua haahulu lima. Hataholi sila-la boeo, ala foo leni sila bana-manun-nala fo nde: Ndala – 736 Bagal – 245 Onta – 435 Keledei – 6.720

^70-72 Laun ba'uk-ka fe tutulu-fafalik soaneu tao lamadada'u Manetualain Uman-na tao nahiin-na: neme gobelnol-la: – lilopilas kilo 8 mango feta 50 ba'du manalu imam 530 neme basa mane leo-la mai: lilopilas kilo 168 lilofulak kilo 1.250 neme hataholi fe'ek-kala mai: lilopilas kilo 168 lilofulak kilo 140 ba'du manalu imam 67

⁷³ Basa imam, hataholi Lewi-la, basa manamanea Manetualain Uman-na lelesuinan-na, basa manamakameek-kala, neme laun biasa makadotok, basa manatao belak manai Manetualain Uman-na, dede'a keke'u na, basa laun Israel-la lala'en-na, leo lahele nai kota-kota ma nggolo-nggolok manai Yehuda.