NAHUM 1 - Susula Malalaok Hehelu Palak Ma Hehelu Beuk

¹ Manetualain hala hehelun-na nde ia la'eneu Niniwe. Nafa'da hala heheluk ndia tunga ninitak, de Ana fen neu Nahum, fo nabi esa neme Elkos mai.

Manetualain nasa-melun soaneu Niniwe

² Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

³ Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

⁴ Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

⁵ Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.

⁶ Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

⁷ Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

⁸ Sama leo faa matuaina ana mai, Ana tao nakalulutuk musun-nala. Sila fo lapalani la'ban-nana, Ana hotu fes nenik mamates-sa, nalosa mopo-mates.

⁹ O tutu'u beek fo o taon soaneu la'ban Manetualain soona, tao leo bee-o, neukose ta da'di fa. Neukose Ana ta balas nape'da dalen-na losa la'i dua neu musun-nala

¹⁰ Neukose o nanahotuk sama leo ha'deai tuuk-ka sama leo dila-nggauk fo lafefeoao.

¹¹ Hai Niniwe, neme o dalek mai, hataholi esa to'da mai so, dalen-na henuk no dudu'a-aafi mangalauk. Ana tutu'u nai dalen dale, soaneu lena-la'ban Manetualain.

¹² Boema Manetualain nafa'da anan Israel nae, “Leomae hataholi Asyur sila-la mabe'i-balakaik, boema dede'un-na makadotok, tehu neukose sila nanatao nakalulutuk fo mopok-kasa. Hai Au leoinang-ngala lemin, Au tao doi-doso emi so, tehu neukose, Au ta tao leondiak so'on.

¹³ Besak ia, neukose Au tao ete'e Asyur koasan neu emi, ma Au tao aketu namosina manahenge emi-a.”

¹⁴ Manetualain nakeketun la'eneu leoina Asyur-ra nde ia: “Neukose ketu sila tititi-nonosin fo sila tititi-nonosin, ta lamade'u-lamaba'u fa. Neukose Au tao akalulutuk dodoki-dudulak sosongok manai lamatua daebafan-nala uman dale. Au sadia basa leoina Asyur-ra bolo mamaten-na so, nana sila ta landaa laso'da fa!”

¹⁵ Mitak, hataholi nadedenuk esa, ana mai tunga letek-kala, neni hala malole, hala sesengik. Hai leoina Yehuda-la lemin, tao emi fai malolem-ma, ma tao matetu emi hala hehelum neu Manetualain-na. Neukose hataholi managalauk-ka, ta paleta emi nusam-ma so'on. Nana tao nakalulutuk-kasa so.