Matta 1 - Inğil Mettanyn tahriri üzre 1883

Birinği bab.

¹ Ysa el‐Mesih, ibn‐i Daud, ibn‐i Ibrahimyn nesebinyn kitabi dyr.

² Ibrahim Ishaki tewlid ejledi, we Ishak Jakubi tewlid ejledi, we Jakub Jehudaji we onun karyndašlaryni tewlid ejledi.

³ We Jehuda Tamardan Fares ile Zarahi tewlid ejledi; we Fares Hasruni tewlid ejledi; we Hasrun Arami tewlid ejledi.

⁴ We Aram Aminadabi tewlid ejledi; we Aminadab Nahšoni tewlid ejledi; we Nahšon Salmoni tewlid ejledi.

⁵ We Salmon Rahabtan Boazi tewlid ejledi; we Boaz Raustan Obidi tewlid ejledi; we Obid Jesseji tewlid ejledi.

⁶ We Jesse Daud meliki tewlid ejledi; we Daud melik Urijanyn zewğesynden Sulejmani tewlid ejledi.

⁷ We Sulejman Rahobyami tewlid ejledi; we Rahobyam Abyjaji tewlid ejledi; we Abyja Asaji tewlid ejledi.

⁸ We Asa Jehošafati tewlid ejledi; we Jehošafat Jorami tewlid ejledi; we Joram Uzijaji tewlid ejledi.

⁹ We Uzija Josami tewlid ejledi; we Josam Ahazi tewlid ejledi; we Ahaz Hyzkyjaji tewlid ejledi.

¹⁰ We Hyzkyja Manassaji tewlid ejledi; we Manassa Amoni tewlid ejledi; we Amon Jošijaji tewlid ejledi.

¹¹ We Jošija Babil ğelasi zemanynde Jekonijaji we onun karyndašlaryni tewlid ejledi.

¹² We Babil ğelasynden sonra Jekonija Šaltyjeli tewlid ejledi; we Šaltyjel Zerubabeli tewlid ejledi.

¹³ We Zerubabel Abihudi tewlid ejledi; we Abihud Elijakimi tewlid ejledi; we Elijakym Azuri tewlid ejledi.

¹⁴ We Azur Saduki tewlid ejledi; we Saduk Achimi tewlid ejledi; we Achim Elijudi tewlid ejledi.

¹⁵ We Elijud Elijazari tewlid ejledi; we Elijazar Matsani tewlid ejledi; we Matsan Jakubi tewlid ejledi.

¹⁶ We Jakub Merjemyn zewği Jusufi tewlid ejledi; we merkumeden Mesih denylen Ysa tewellüd etti.

¹⁷ Imdi ensalyn ğümlesi Ibrahimdan Dauda kadar on dört nesl, we Dauddan Babil ğelasyne dejin on dört nesl; we Babil ğelasynden Mesihedek on dört nesl dyr.

¹⁸ We Ysa el‐Mesihyn wiladeti bu minwal üzre oldi, ja’ni walidesi Merjem Jusufe nišanlü iken, iğtimalerynden ewwel ruh‐ül‐kudustan hamile bulundi.

¹⁹ Imdi onun zewği Jusuf salyh oldygynden, we onu ruswaj‐i alem etmek istemedygynden, onu gizlüğe tatlik etmek nijetynde idi.

²⁰ Amma bunu düšünyr iken, ište, rabbyn meleki rujada ona görünüp, »Ej Jusuf, ibn‐i Daud, zewğen Merjemi kabul etmeje korkma, zira onun rahmynde mewğud olan ruh‐ül kudustan dyr.

²¹ We o bir ogul dogurağak, we ona Ysa tesmije edesyn, zira o kawmyni günahlarynden chalas edeğek tyr,« dedi.

²² Imdi bunun ğümlesi rabb tarafyndan pejgamber wasitasile:

²³ »Ište, bakire hamile olup, bir ogul dogurağak tyr, we ona Immanujil (ki terğeme olunsa, ›allah bizymle‹ demek tyr), tesmije edeğekler dyr, dejü, bujurylan kelamyn itmam olunmasi ičün waky oldi.«

²⁴ Imdi Jusuf ujkudan ojandykte, rabbyn melekinyn kendisine ettygi emre imtisalen, zewğesini kabul ejledi.

²⁵ We merkumeji ilk ogluni dogurinğeje‐dek bilmez idi, we ol ma’sume Ysa tesmije ejledi.