Matta 1 - Bwaki Kifwiyang

Ki̱kuwang Yesuwang

¹ Taki̱da ki̱kuwang Yesu Masiya, buke Dauda, wu n ki̱n buke Yibrayime.

² Yibrayim a bi̱u Yichaku, Yichaku a bi̱u Yakubu, Yakubu a bi̱u Yafuda n ti kebu ki̱mu,

³ Yafuda a bi̱u Feresa n ti Sera, wu n neki̱n n Tamare. Farisa a bi̱u Asruna Asruna a bi̱u Arama,

⁴ Arama a bi̱u Aminadab, Aminadab a bi̱u Nasun, Nasun a bi̱u Salmuna,

⁵ Salmuna a bi̱u Bwas, wu n ne ki̱n n Rahab Bwas a bi̱u Obed, wu n ne ki̱n n Rute, Wabida a bi̱u Yesse,

⁶ Yesse a bi̱u Mai Dauda Dauda a bi̱u Solomon wu n ne ki̱n a no naye Wuriya.

⁷ Solomon a bi̱u Rabwam, Rabwam a bi̱u Abusa, Abusa a bi̱u Asa,

⁸ Asa a bi̱u Yawuchafa, Yawuchafa a bi̱u Yoram, Yoram a bi̱u Asariya,

⁹ Asariya a bi̱u Yotam, Yotam a bi̱u Asa, Asa a bi̱u Yisakiya

¹⁰ Yisakiya a bi̱u Mannasa, Mannasa a bi̱u Amon, Amon a bi̱u Yochiya.

¹¹ Yochiya a bi̱u Yekoniya n ti kebu ki̱mu a ki̱swi ni̱bu a wo chi a yikan ti̱m Babilame.

¹² A kuteng ki̱ku ni̱bu a wo chi a yikan ti̱m Babila, n Yekoniya a bi̱u Chatila, Chatila a bi̱u Sarubabel,

¹³ Sarubabel a bi̱u Abidu, Abidu a bi̱u Aliyaki̱m, Aliyaki̱m a bi̱u Asura.

¹⁴ Asura a bi̱u Saduka, Saduka a bi̱u Akim, Akim a bi̱u Aliyuda.

¹⁵ Aliyuda a bi̱u Aliyasar, Aliyasar a bi̱u Matana, Matana a bi̱u Yakubu,

¹⁶ Yakubu a bi̱u Yusufu kwarta Maryamu wu a bi̱u Yesu wu ni̱bu ki̱yal ki̱nu ko Masiya.

¹⁷ Ti̱kalaniti kub chiri taana, chi a tatuwe di̱Yibrayime a lanta Dauda, yinu ti̱kalaniti kub chiri taana we di̱Dauda a lanta woku chi̱yangu a Babilangu. We woku chi̱yangu a Babilangu a lanta beku Yesu Masiyangu ti̱kalaniti kub chiri taana ti̱n.

Bi̱be Yesuwe

¹⁸ Tiyangu bi̱be Yesu Masiya a fwengu, m Maryamu wu a bwa̱u na Yusufu we, m Maryamu a ma lur di̱du a Fi̱ki̱m Kwamam, yo a tibu na ki̱ne.

¹⁹ N Yusufu kwiye Maryamuwe ni wuyile, a kebu ka ni Maryamu dibwi we tibe ni̱be, a yo we ni̱r ki̱nu ka mari daan.

²⁰ Yo n Yusufu we ti̱kuran ti̱te, naba di̱tumbi̱re Tewuduwe a be ki̱mi̱ne a dwakam ko, “Yusufu, buke Dauda, nwedu tayi we, da̱u Maryamu tiyang nayemo, di̱ne luru a fur ki̱ni̱nu di̱du a Fi̱ki̱m Kwaman.

²¹ Maryamu ka bi̱u bwe, mwang yo ki̱mi̱n di̱nu n Yesu, di̱ne ki̱n nang wu ka yu ni̱bu ki̱mu we ki̱leti chiyu.”

²² Ti̱ti kwang a fwe di̱ne ke a ri chi n Tewuduwe a fwa a yii fa̱ku we ko,

²³ “Di̱kan fwa̱n ka ma lur, ka bi̱u bwe, ka chaki̱mi̱n di̱nu ko n Yimanuwel.” Ki̱yungdu ko, “N Kwama ware n ti chir.”

²⁴ Tiyangu n Yusufu a kaban we dumangu, a bunti̱ chi naba di̱tumbi̱re Tewuduwe a fwa, a da̱u Maryamu a kau nayeko.

²⁵ Aya Yusufu a daangbuwe ware n ti ki̱n, a lanta yo n ki̱n a bi̱u bweko. Yinu a yo ki̱mi̱n di̱nu n Yesu.